Memleket basshysy Qasym-Jomart Toqaev birqatar ekijaqty kezdesýlerden keiin Joǵary Eýraziialyq ekonomikalyq keńestiń shaǵyn jáne keńeitilgen quramdaǵy otyrystaryna qatysty, dep habarlaidy "Ult aqparat" Aqordaǵa silteme jasap.
Keńestiń keńeitilgen otyrysyna Belorýs Respýblikasynyń Prezidenti Aleksandr Lýkashenko, Qyrǵyz Respýblikasynyń Prezidenti Sooronbai Jeenbekov, Resei Federatsiiasynyń Prezidenti Vladimir Pýtin, Armeniia Premer-Ministri Nikol Pashinian, Eýraziialyq ekonomikalyq komissiiasy alqasynyń tóraǵasy Tigran Sarkisian qatysty. Sonymen qatar, sharaǵa Eýraziialyq ekonomikalyq odaq janyndaǵy baqylaýshy-memleket basshysy retinde Moldova Respýblikasynyń prezidenti Igor Dodon, qurmetti qonaqtar – Iran Islam Respýblikasynyń prezidenti Hasan Rýhani jáne Singapýr Respýblikasynyń Premer-Ministri Li Sian Lýn qatysyp otyrdy.
Qasym-Jomart Toqaev óz sózinde armian tarapyna jyly qabyldaýyna jáne otyrysqa joǵary deńgeide daiyndalǵany úshin rizashylyǵyn bildirdi. Memleket basshysy Eýraziialyq ekonomikalyq odaqtyń álemdik saýda-sattyqty damytýdyń asa mańyzdy bóligine ainalǵanyna senimdi ekenin aitty.
Qazaqstan Prezidenti naryqtyń jyldam ózgerip jatqan koniýktýrasy, derjavalar arasyndaǵy básekelestiktiń artýy, saýda soǵysy, protektsionizmniń ósýi álem ekonomikasynyń turaqsyzdyǵyna soqtyrýy múmkin dep atap ótti.
– Ǵalamdyq kúrdeli jaǵdaida memleketterimizdiń ekonomikalyq ornyqty damýyn qamtamasyz etý asa mańyzdy. Buǵan shynaiy ári ózara yntymaqtastyq, integratsiia men kooperatsiianyń arqasynda ǵana qol jetkizýge bolady. Bizdiń elderimiz ortaq ishki naryqtaǵy kedergilerdi joiý jumystaryn jalǵastyra berýi kerek, – dedi Qasym-Jomart Toqaev.
Memleket basshysy saýda jasaýdaǵy kedergilerdi joiý jónindegi jumysty jandandyrýǵa shaqyrdy.
– Komissiia ulttyq zańnamalarǵa monitoring tetikterin kúsheite alady jáne solai isteýge tiis dep oilaimyn. Eýraziialyq ekonomikalyq odaq sheńberindegi qoldanystaǵy quqyqtardy túsindirý men aqparattandyrýdyń tiimdi tetikterin ázirleý qajet,– dedi Qazaqstan Prezidenti.
Qasym-Jomart Toqaev Eýraziialyq odaq aiasyndaǵy kólik-logistikalyq yntymaqtastyqtyń oń nátijelerin aita kele, Eýraziialyq ekonomikalyq komissiiaǵa jáne el úkimetterine EAEO-nyń birtutas tranzittik júiesin daiyndaý jumystaryn jedeldetýdi, sonymen qatar, ozyq tehnologiialardy damytý úshin qolaily jaǵdai jasaýdy usyndy.
– Qytai – Eýropa – Qytai baǵytyndaǵy tranzittik operatsiialar men eksport-importtyń kólemi turaqty artyp kele jatqanyn baiqaýǵa bolady. Vetnam – Qytai – Eýropa baǵyty boiynsha iske qosylǵan transkontinentaldi temirjol jelisi Ońtústik-Shyǵys Aziia elderiniń qaýymdastyǵyna kiretin memleketterdiń naryǵyna bizdiń elderdiń ónimderin shyǵarýdyń logistikalyq máselesin sheshedi. Atalǵan kólik dálizi teńiz tasymalyna jaqsy balama jáne Ońtústik-Shyǵys Aziiadan Eýropaǵa EAEO-ǵa múshe memleketterdiń aýmaǵy arqyly qysqa merzimde júk jetkizýge múmkindik beredi, – dedi Memleket basshysy.
Joǵary Eýraziialyq ekonomikalyq keńes otyrysynyń kún tártibindegi basty másele Eýraziialyq ekonomikalyq odaqqa múshe-memleketter men Singapýr Respýblikasynyń arasyndaǵy erkin saýda aimaǵy týraly kelisimge qol qoiý boldy. Atalǵan kelisim EAEO elderi úshin 600 million halqy bar Ońtústik-Shyǵys Aziia elderiniń qaýymdastyǵyna múshe-memleketterdiń alyp naryǵyna jol ashady. Osyǵan bailanysty, Qazaqstan Prezidenti keńeiip jatqan jańa naryqtar men saýda-ekonomikalyq bailanystyrdy damytyp, atalǵan baǵyttaǵy kelissózderdiń joǵary deńgeiin saqtap qalý mańyzdy ekenin aitty.
– Eýraziialyq ekonomikalyq odaq bolashaqta Ońtústik-Shyǵys Aziia elderiniń qaýymdastyǵy, Shanhai Yntymaqtastyq uiymy jáne basqa da iri halyqaralyq uiymdarmen bailanystardy arttyrýǵa basymdyq berýi kerek. Búgin Joǵary keńestiń barysynda Singapýr Respýblikasymen erkin saýda aimaǵy týraly kelisimge qol qoiyldy. Osymen EAEO osy baǵytta Vetnamdy qosa aitqanda ekinshi elmen kelisim jasady. Iran Islam Respýblikasymen saýda-ekonomikalyq jáne logistikalyq yntymaqtastyqty damytý mańyzdy másele, – dedi Qasym-Jomart Toqaev.
* * *
Joǵary Eýraziialyq ekonomikalyq otyrysynyń sońynda Memleket basshysy Qasym-Jomart Toqaev EEK alqasynyń tóraǵasy Tigran Sarkisiandy II dárejeli «Dostyq» ordenimen marapattady.
Erevanda ótken Joǵary Eýraziialyq ekonomikalyq keńes qorytyndysy boiynsha 20 qujat qabyldandy.
Sheshim:
1. Eýraziialyq ekonomikalyq forýmy týraly;
2. EEK alqasynyń tóraǵasy týraly;
3. Eýraziialyq ekonomikalyq komissiia alqasynyń jeke quramy men músheleriniń arasyndaǵy mindetterdi bólý týraly;
4. EAEO sotyna sharýashylyq sýbektiler shaǵymdanǵan jaǵdaida tóleitin alym kólemin bekitý týraly;
5. 2014 jylǵy 10 qazandaǵy №79 JEEK sheshimine ózgerister engizý týraly;
6. EAEO-nyń 2018 jylǵy biýdjetiniń oryndalýy jónindegi esep týraly;
7. EAEO-nyń 2020 jylǵy biýdjeti týraly;
8. EAEO-nyń 2020 jylǵy halyqaralyq qyzmetiniń negizgi baǵyttary týraly;
9. EAEO-nyń jalpy qarjylyq naryǵyn qurý Tujyrymdamasy týraly;
10. EAEO-ǵa múshe memleketterdiń EAEO biýdjetine jarnalyq qaryzdaryn óteý Tártibin bekitý týraly;
11. EEK alqasyna múshelik ókilettigin merziminen buryn toqtatý týraly;
12. EEK alqasyna múshe taǵaiyndaý týraly;
13. EEK jumys reglamentiniń №1 qosymshasyna ózgeris engizý týraly;
14. EAEO-nyń agroónerkásiptik saiasaty jónindegi Keńesi týraly erejesine ózgeris engizý týraly.
Ókim:
1. Eýraziialyq ekonomikalyq odaqqa múshe memleketterdiń biýdjetteri arasynda kedendik alymdar somasyn bólý normativterine bailanysty máseleler týraly;
2. EAEO-ǵa múshe memleketter arasynda gaz tasymaldaý jáne jetkizý salasyndaǵy múshe-memleketterdiń zańnamalaryn úilestirý týraly;
3. JEEK-tiń kezekti otyrysyn ótkizý orny men ýaqyty týraly.
Aktiler:
- 2014 jyldyń 29 mamyryndaǵy EAEO týraly Kelisimniń kedendik alymdar somasyn bólýdiń jańa normativterin bekitý bólimine ózgerister engizý týraly Hattamaǵa qol qoiý týraly;
- 2014 jyldyń 29 mamyryndaǵy EAEO týraly Kelisimniń avanstyq tólemderdi qarjylai (aqsha) tóleý múmkindikterin taný bólimine ózgerister engizý týraly Hattamaǵa qol qoiý týraly;
- 2014 jyldyń 29 mamyryndaǵy EAEO týraly Kelisimniń tehnikalyq, kedendik, kóliktik retteý, sanitarlyq, fitosanitariialyq sharalar, aqparattyq ózara is-qimyl, makroekonomika, básekelestik jáne energetika bólimine ózgerister engizý týraly Hattamaǵa qol qoiý týraly.
