Prezident Qasym-Jomart Toqaev diplomattar arasynda birneshe taǵaiyndaý jasady, - dep habarlaidy "Ult aqparat" Aqorda saityna silteme jasap.
Memleket basshysynyń Jarlyqtarymen:
- Álibek Baqaev Qazaqstan Respýblikasynyń Aýstriia Respýblikasyndaǵy tótenshe jáne ókiletti elshisi, Qazaqstan Respýblikasynyń Vena qalasyndaǵy halyqaralyq uiymdar janyndaǵy turaqty ókili bolyp taǵaiyndaldy, ol Qazaqstan Respýblikasynyń Shveitsariia Konfederatsiiasyndaǵy tótenshe jáne ókiletti elshisi, Qazaqstan Respýblikasynyń Lihtenshtein Kniazdigindegi, Vatikan Memleketindegi, Qasietti Ierýsalim Ioannyń, Rodos jáne Maltanyń Egemendi Áskeri Gospitalerleri Ordeniniń janyndaǵy tótenshe jáne ókiletti elshisi qyzmetin qosa atqarýshy laýazymdarynan bosatyldy;
- Qairat Sarjanov Qazaqstan Respýblikasynyń Shveitsariia Konfederatsiiasyndaǵy tótenshe jáne ókiletti elshisi laýazymyna taǵaiyndaldy;
- Asqar Quttyqadam Qazaqstan Respýblikasynyń Singapýr Respýblikasyndaǵy tótenshe jáne ókiletti elshisi laýazymyna taǵaiyndaldy.
- Memleket basshysynyń Jarlyǵymen Arken Arystanov Qazaqstan Respýblikasynyń Singapýr Respýblikasyndaǵy tótenshe jáne ókiletti elshisi, Qazaqstan Respýblikasynyń Jańa Zelandiiadaǵy tótenshe jáne ókiletti elshisi, Qazaqstan Respýblikasynyń Aýstraliia Odaǵyndaǵy tótenshe jáne ókiletti elshisi qyzmetterin qosa atqarýshy laýazymdarynan bosatyldy.
