Memleket basshysy Briýsselde eýropalyq biznes ókilderimen, atap aitqanda belgiialyq «Joh Cockerill» kompaniiasynyń basqarma tóraǵasy Jan-Liýk Moranjben jáne nemistiń «Svevind Group» kompaniialar tobynyń prezidenti Volfgang Kroppen kezdesti, dep habarlaidy Aqordanyń baspasóz qyzmeti.
Prezident Qasym-Jomart Toqaev Jan-Liýk Moranjben Qazaqstandaǵy temirjol lokomotivteri men jańartylatyn qýat kózderin jańǵyrtýǵa baǵyttalǵan investitsiialyq jobalardy iske asyrý perspektivalaryn talqylady.
Volfgang Kroppen kezdesýde Mańǵystaý oblysynda «jasyl» sýtegi óndirisi salasyndaǵy Hyrasia One investitsiialyq jobasyn júzege asyrý máselesi sóz boldy.
Qasym-Jomart Toqaev buǵan deiin qolǵa alynǵan investitsiialyq jobalardyń qarqyndy júzege asyrylyp jatqanyna joǵary baǵa berip, olardyń Qazaqstan úshin asa mańyzdy ekenin atap ótti. Memleket basshysy elimizde jumys isteitin kompaniialardyń jobalarynyń júzege asyrylý barysyn óz baqylaýyna alatynyn aitty. Bul rette barlyq ekologiialyq normativter men nusqaýlardyń saqtalýy qajet ekenin jetkizdi.
Kezdesý sońynda Prezidenttiń qatysýymen Qazaqstan Úkimeti men «Svevind Group» kompaniialar tobynyń arasynda Jobalardy iske asyrýdyń negizgi qaǵidattary týraly shekti kelisimge qol qoiý rásimi ótti.
