مەملەكەت باسشىسى بريۋسسەلدە ەۋروپالىق بيزنەس ٶكٸلدەرٸمەن, اتاپ ايتقاندا بەلگييالىق «Joh Cockerill» كومپانيياسىنىڭ باسقارما تٶراعاسى جان-ليۋك مورانجبەن جەنە نەمٸستٸڭ «Svevind Group» كومپانييالار توبىنىڭ پرەزيدەنتٸ ۆولفگانگ كروپپەن كەزدەستٸ, دەپ حابارلايدى اقوردانىڭ باسپاسٶز قىزمەتٸ.
پرەزيدەنت قاسىم-جومارت توقاەۆ جان-ليۋك مورانجبەن قازاقستانداعى تەمٸرجول لوكوموتيۆتەرٸ مەن جاڭارتىلاتىن قۋات كٶزدەرٸن جاڭعىرتۋعا باعىتتالعان ينۆەستيتسييالىق جوبالاردى ٸسكە اسىرۋ پەرسپەكتيۆالارىن تالقىلادى.
ۆولفگانگ كروپپەن كەزدەسۋدە ماڭعىستاۋ وبلىسىندا «جاسىل» سۋتەگٸ ٶندٸرٸسٸ سالاسىنداعى Hyrasia One ينۆەستيتسييالىق جوباسىن جٷزەگە اسىرۋ مەسەلەسٸ سٶز بولدى.
قاسىم-جومارت توقاەۆ بۇعان دەيٸن قولعا الىنعان ينۆەستيتسييالىق جوبالاردىڭ قارقىندى جٷزەگە اسىرىلىپ جاتقانىنا جوعارى باعا بەرٸپ, ولاردىڭ قازاقستان ٷشٸن اسا ماڭىزدى ەكەنٸن اتاپ ٶتتٸ. مەملەكەت باسشىسى ەلٸمٸزدە جۇمىس ٸستەيتٸن كومپانييالاردىڭ جوبالارىنىڭ جٷزەگە اسىرىلۋ بارىسىن ٶز باقىلاۋىنا الاتىنىن ايتتى. بۇل رەتتە بارلىق ەكولوگييالىق نورماتيۆتەر مەن نۇسقاۋلاردىڭ ساقتالۋى قاجەت ەكەنٸن جەتكٸزدٸ.
كەزدەسۋ سوڭىندا پرەزيدەنتتٸڭ قاتىسۋىمەن قازاقستان ٷكٸمەتٸ مەن «Svevind Group» كومپانييالار توبىنىڭ اراسىندا جوبالاردى ٸسكە اسىرۋدىڭ نەگٸزگٸ قاعيداتتارى تۋرالى شەكتٸ كەلٸسٸمگە قول قويۋ رەسٸمٸ ٶتتٸ.
