Qasym-Jomart Toqaevqa prokýratýra organdary qyzmetiniń basym baǵyttary boiynsha atqarylǵan jumystarynyń qorytyndylary týraly esep berildi, dep habarlaidy Aqordanyń baspasóz qyzmeti.
Ǵizat Nurdáýletov Qazaqstan Prezidentiniń qylmyspen kúresti kúsheitý, quqyq qorǵaý jáne ózge de organdardyń quqyqtyq tártipti qamtamasyz etý qyzmetin úilestirý jóninde júktegen tapsyrmalarynyń oryndalý barysy týraly baiandady. Onyń aitýynsha, ótken kezeńde elimizde qylmys kólemi úsh esege jýyq azaiǵan. Urlyq, qaraqshylyq shabýyldar, tonaý jáne buzaqylyq qylmystary eki ese az tirkelgen.
Qazaqstan Prezidentine zańdylyqty saqtaýdy qadaǵalaý barysynda prokýrorlar sotqa deiingi tergeý isi boiynsha 63 tulǵaǵa qatysty negizsiz qylmystyq qýdalaýdyń toqtatylǵany, sondai-aq, tergeý merzimin toqtatý jáne keiinge shegerý jónindegi 17 myń zańsyz qaýlynyń kúshin joiǵany týraly málimet berildi.
Memleket basshysyna biznesti qorǵaý jáne baqylaýshy organdar tarapynan kásipkerlik qyzmetke zańsyz kedergi keltirýdiń jolyn kesý jumystary týraly baiandaldy.
Sonymen qatar Qasym-Jomart Toqaevqa áleýmettik-ekonomikalyq saladaǵy zańdylyqty qamtamasyz etý, sondai-aq, memlekettik organdardyń jekelegen saladaǵy qyzmetin retteitin zańnamany saqtaý jónindegi tekserýlerdiń nátijeleri boiynsha prokýrorlardyń qabyldaǵan sharalary týraly málimet berildi.
Kezdesý qorytyndysy boiynsha Prezident Bas prokýrorǵa birqatar naqty tapsyrma berdi.
