Qazaqstan Prezidenti Qasym-Jomart Toqaev Bas Prokýror Ǵizat Nurdáýletovti qabyldady, dep habarlaidy "Ult aqparat" Aqordaǵa silteme jasap.
Kezdesý barysynda Memleket basshysyna elimizdegi zańdylyq pen quqyq tártibiniń ahýaly jóninde esep berildi.
Bas Prokýror Qazaqstan Prezidentine qylmys deńgeiiniń tómendegenin jáne qylmystyq úderistegi azamattardyń konstitýtsiialyq quqyǵyn qorǵaý boiynsha júrgizilip jatqan jumystar men qylmystyń jekelegen túrlerine qarsy kúres týraly baiandady.
Qasym-Jomart Toqaevqa elektrondy qylmystyq jáne ákimshilik is júrgizýdi engizý, sondai-aq, tekserýlerdi taǵaiyndaý úderisin avtomattandyrý barysy týraly málimdeldi.
Memleket basshysy qoǵamnyń barlyq salasynda quqyq ústemdigin qamtamasyz etý jumystaryn jalǵastyrý qajettigin atap ótip, azamattardyń quqyǵy prokýrorlardyń erekshe nazarynda bolýy tiis ekenin aitty.
– Prokýratýra organdary áleýmettik jáne basqa da memlekettik baǵdarlamalarǵa bólingen biýdjet qarjysyn jumsaý barysynda zańnyń qatań saqtalýyna qol jetkizýi qajet. Zańdylyqtyń buzylýyna múldem jol bermeý kerek, – dedi Qasym-Jomart Toqaev.
Sońynda Qazaqstan Prezidenti qadaǵalaýshy organnyń aldyna basqa da birqatar mindetter qoidy.
