قازاقستان پرەزيدەنتٸ قاسىم-جومارت توقاەۆ باس پروكۋرور عيزات نۇردەۋلەتوۆتٸ قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋ بارىسىندا مەملەكەت باسشىسىنا ەلٸمٸزدەگٸ زاڭدىلىق پەن قۇقىق تەرتٸبٸنٸڭ احۋالى جٶنٸندە ەسەپ بەرٸلدٸ.
باس پروكۋرور قازاقستان پرەزيدەنتٸنە قىلمىس دەڭگەيٸنٸڭ تٶمەندەگەنٸن جەنە قىلمىستىق ٷدەرٸستەگٸ ازاماتتاردىڭ كونستيتۋتسييالىق قۇقىعىن قورعاۋ بويىنشا جٷرگٸزٸلٸپ جاتقان جۇمىستار مەن قىلمىستىڭ جەكەلەگەن تٷرلەرٸنە قارسى كٷرەس تۋرالى باياندادى.
قاسىم-جومارت توقاەۆقا ەلەكتروندى قىلمىستىق جەنە ەكٸمشٸلٸك ٸس جٷرگٸزۋدٸ ەنگٸزۋ, سونداي-اق, تەكسەرۋلەردٸ تاعايىنداۋ ٷدەرٸسٸن اۆتوماتتاندىرۋ بارىسى تۋرالى مەلٸمدەلدٸ.
مەملەكەت باسشىسى قوعامنىڭ بارلىق سالاسىندا قۇقىق ٷستەمدٸگٸن قامتاماسىز ەتۋ جۇمىستارىن جالعاستىرۋ قاجەتتٸگٸن اتاپ ٶتٸپ, ازاماتتاردىڭ قۇقىعى پروكۋرورلاردىڭ ەرەكشە نازارىندا بولۋى تيٸس ەكەنٸن ايتتى.
– پروكۋراتۋرا ورگاندارى ەلەۋمەتتٸك جەنە باسقا دا مەملەكەتتٸك باعدارلامالارعا بٶلٸنگەن بيۋدجەت قارجىسىن جۇمساۋ بارىسىندا زاڭنىڭ قاتاڭ ساقتالۋىنا قول جەتكٸزۋٸ قاجەت. زاڭدىلىقتىڭ بۇزىلۋىنا مٷلدەم جول بەرمەۋ كەرەك, – دەدٸ قاسىم-جومارت توقاەۆ.
سوڭىندا قازاقستان پرەزيدەنتٸ قاداعالاۋشى ورگاننىڭ الدىنا باسقا دا بٸرقاتار مٸندەتتەر قويدى.
