Memleket basshysy Qasym-Jomart Toqaev Úkimetke jyl sońyna deiin paidalanylmai jatqan jaiylymdardy qaitarýdy júktedi, dep habarlaidy "Ult aqparat".
«Jaiylymdar máselesine arnaiy toqtalǵym keledi. Bul jerler eń aldymen aýyl turǵyndaryna qoljetimdi bolýy kerek. Jergilikti ákimdikter jumysty durys uiymdastyrmai jatyr. Sonyń saldarynan aýyl turǵyndary mal jaiatyn jaiylym tappai qinalýda. Ásirese Almaty, Túrkistan oblystarynan aryz-shaǵymdar kóp túsýde. Jaiylymdardyń 99 paiyzy sharýa qojalyqtardyń ieliginde. Alaida onyń 36 paiyzynda ǵana mal jaiylady. Qalǵan 46 mln gektar jaiylym jer bos jatyr. Úkimetke Bas prokýratýramen birlesip, biylǵy jyldyń sońyna deiin osyndai jaiylymdardy qaitarýdy tapsyramyn», - dedi Memleket basshysy Qasym-Jomart Toqaev Úkimettiń keńeitilgen otyrysynda.
