Memleket basshysy Qasym-Jomart Toqaev Aziiadaǵy ózara is-qimyl jáne senim sharalary keńesiniń VI sammitiniń ashylýynda memleket basshylaryn quttyqtady, - dep habarlaidy "Ult aqparat" Aqordanyń baspasóz qyzmetine silteme jasap.
"Aziiadaǵy ózara is-qimyl jáne senim sharalary jónindegi keńestiń VI sammitine qatysqandaryńyz úshin Sizderge shynaiy alǵysymdy bildiremin.
Biyl osy Keńesti shaqyrý týraly bastamanyń kóterilgenine 30 jyl toldy. Osy kezeń ishinde bul jiyn kópjaqty yntymaqtastyq tuǵyryna jáne zamanaýi diplomatiianyń halyqaralyq institýtyna ainaldy.
Keńeske 1999 jyly 15 memleket múshe bolsa, qazir olardyń sany 28-ge jetti. Bul, shyn máninde, forýmnyń Aziia elderi jáne jalpy álem qaýymdastyǵy aldyndaǵy bedeli arta túskenin kórsetedi.
Biz Kýveittiń Keńeske múshe bolyp, qatarymyzǵa qosylǵanyna óte qýanyshtymyz", - ded Memleket basshysy.
