Qasym-Jomart Toqaev Amazon korporatsiiasynyń vitse-prezidenti Siýzan Pointermen kezdesti, dep habarlaidy "Ult aqparat" Aqordanyń resmi saityna silteme jasap.
Álemdegi iri tehnologiialyq kompaniianyń ókilimen áńgimelesý barysynda «bultty» tehnologiialardy damytýǵa jáne data-ortalyqtar qurylysyna qatysty ózara tiimdi yntymaqtastyqtyń múmkindikteri talqylandy.
Prezident Qazaqstannyń elektrondy úkimet salasyndaǵy jetistikterine nazar aýdaryp, tsifrlyq salany odan ári jetildirý úshin elimizge óz sanatyndaǵy eń myqty infraqurylymdyq sheshimder qajet ekenin atap ótti.
Siýzan Pointer kompaniianyń Qazaqstanmen aradaǵy yqpaldastyqty nyǵaitýǵa jáne keleshekte búkil Ortalyq Aziia aimaǵyn qamtýǵa nietti ekenin jetkizdi.
Kezdesý aiasynda Qazaqstannyń Tsifrlyq damý jáne aeroǵarysh ónerkásibi ministrligi («UAT» AQ) men Amazon Web Services arasynda Outpost «bultty» tehnologiia sheshimin satyp alý jáne ony QazTech platformasymen integratsiialaý jónindegi pilottyq jobany iske qosý týraly kelisimge qol qoiyldy.
Bul qadam jahandyq alpaýyt elderdiń data-ortalyqtaryn Qazaqstanda ornalastyrýǵa jáne elimizdiń óńirlik IT-hab retindegi áleýetin iske asyrýǵa múmkindik beredi.
