Qazaqstan Prezidenti Qasym-Jomart Toqaev Shri-Lankadaǵy jarylys kezinde qaza tapqandardyń jaqyndaryna kóńil aitty, dep habarlaidy "Ult aqparat" Prezidenttiń Tvitterdegi paraqshasyna silteme jasap.
«Eldegi shirkeýler men qonaq úilerdegi jarylys saldarynan 160-tan astam adam kóz jumdy, jaraqat alǵandar da óte kóp. Bul jaǵdaiǵa bailanysty qaza bolǵandardyń jaqyndaryna qaiǵyryp kóńil aitamyn. Terrorizmde shekara joq. Álemdik qoǵamdastyq terrorǵa qarsy kúsh-jigerin biriktirýi kerek», - dep jazdy Qasym-Jomart Toqaev.
21 sáýirde Shri-Lanka astanasy Kolomboda bir mezgilde úsh qonaq úi men bir shirkeýde, sondai-aq el astanasynyń mańynda ornalasqan Negombodaǵy eki shirkeýde jarylys boldy. Sonyń saldarynan 160-tai adam ajal qushyp, 300-ge tarta adam jaraqat aldy.
