قازاقستان پرەزيدەنتٸ قاسىم-جومارت توقاەۆ شري-لانكاداعى جارىلىس كەزٸندە قازا تاپقانداردىڭ جاقىندارىنا كٶڭٸل ايتتى, دەپ حابارلايدى "ۇلت اقپارات" پرەزيدەنتتٸڭ تۆيتتەردەگٸ پاراقشاسىنا سٸلتەمە جاساپ.
«ەلدەگٸ شٸركەۋلەر مەن قوناق ٷيلەردەگٸ جارىلىس سالدارىنان 160-تان استام ادام كٶز جۇمدى, جاراقات العاندار دا ٶتە كٶپ. بۇل جاعدايعا بايلانىستى قازا بولعانداردىڭ جاقىندارىنا قايعىرىپ كٶڭٸل ايتامىن. تەرروريزمدە شەكارا جوق. ەلەمدٸك قوعامداستىق تەررورعا قارسى كٷش-جٸگەرٸن بٸرٸكتٸرۋٸ كەرەك», - دەپ جازدى قاسىم-جومارت توقاەۆ.
21 سەۋٸردە شري-لانكا استاناسى كولومبودا بٸر مەزگٸلدە ٷش قوناق ٷي مەن بٸر شٸركەۋدە, سونداي-اق ەل استاناسىنىڭ ماڭىندا ورنالاسقان نەگومبوداعى ەكٸ شٸركەۋدە جارىلىس بولدى. سونىڭ سالدارىنان 160-تاي ادام اجال قۇشىپ, 300-گە تارتا ادام جاراقات الدى.
