Aldaǵy ýaqytta aýyl ákimderin sailaǵannan keiin aýdan ákimderin sailaýǵa kóshýge bolady. Bul týraly 7-shi shaqyrylǵan Parlamenttiń 1-shi sessiiasyn ashqan QR Prezidenti Qasym-Jomart Toqaev aitty, dep habarlaidy "Ult aqparat".
«Taǵy bir mańyzdy qadam - aýyl ákimderin sailaý. Biyl jekelegen aýyldyq okrýgterde sailaý ótedi. Biz jergilikti ózin-ózi basqarý júiesin eń tómennen bastap nyǵaitýdy kózdep otyrmyz. Bul óte mańyzdy másele. Sondyqtan aldaǵy ýaqytta aýyl ákimderin sailaǵannan keiin aýdan ákimderin sailaýǵa kóshýge bolady», - dedi Memleket basshysy.
QR Prezidenti munynmen de shektelip qalmaýymyz kerektigin, saiasi júieni ornyqtyryp, sheshimder qabyldaý úderisine azamattardyń yqpal etýin kúsheite túsý úshin tyń serpin qajettigin basa aitty.
«Bul baǵytta reformalardyń ekinshi bóligin ázirleý barysynda aýqymdy jumystar jasaldy. Onda barlyq partiianyń, sonyń ishinde keshe Parlamentke ótpei qalǵan saiasi kúshterdiń de usynystary eskerildi jáne bolashaqta da nazarymyzda bolady. Ulttyq keńes músheleriniń jáne basqa da bedeldi sarapshylar men belsendi azamattardyń ideialary, bastamalary qamtylyp otyr», - dedi Qasym-Jomart Toqaev.
