Memleket basshysy "Air Astana" áýe kompaniiasynyń prezidenti Piter Fosterdi qabyldady, dep habarlaidy Aqordanyń baspasóz qyzmeti.
Kezdesý barysynda Piter Foster Qasym-Jomart Toqaevqa ulttyq áýe kompaniiasynyń qazirgi jaǵdaiy men ony damytýdyń jospary, atap aitqanda, jolaýshylar tasymalynyń ishki kólemin arttyrý jáne jańadan ashylǵan sheteldik baǵyttar, áýe biletteriniń baǵasyn arzandatý sharalary jaiynda baiandady.
Piter Fosterdiń aitýynsha, «Fly Arystan» enshiles áýe kompaniiasyn ashqannan beri Qazaqstan álemdegi áýe tasymaly boiynsha ishki naryǵy jyldam damyp kele jatqan elderdiń qataryna qosylǵan.
Sonymen qatar ol Qazaqstan Prezidentine kompaniianyń áýe parkiniń jańalanǵany, onyń ishinde, «Boeing-757» ushaqtarynyń uzaq jolǵa arnalǵan «Airbus A321» áýe kemesine almastyrylyp jatqany týraly aitty. Budan bólek 2023 jylǵa deiin «Boeing-787» ushaqtaryn satyp alý jónindegi josparymen bólisti.
Memleket basshysy «Ashyq aspan» rejimin odan ári damytýdyń jáne jańa shet eldik baǵyttardy ashý, onyń ishinde, Singapýr, Niý-Iork sekildi álemniń basqa da iri qalalarymen qatynas ornatýdyń mańyzdylyǵyn atap ótti.
Qasym-Jomart Toqaev el azamattary úshin áýe biletterin arzandatý baǵytynda júrgizilip jatqan jumystarǵa basa mán berdi.
