QR Prezidenti Qasym-Jomart Toqaev saiasi reformalardyń jańa toptamasy jaiynda aitty, dep habarlaidy "Ult aqparat".
«Reformalar daiyndalyp jatyr. Reformalar toqtap qalmaýy tiis. 15 qańtarda Parlamentte sóz sóilep, onyń ishinde Májilistiń jańa quramyna da úndeý jasaimyn. Odan keiin Ulttyq qoǵamdyq senim keńesiniń otyrysy ótip, onda reformalar máselesine qatysty óte baiypty áńgime bolady», - dedi Toqaev elordadaǵy Oqýshylar saraiynda ornalasqan №58 sailaý ýchaskesinde daýys bergennen keiin BAQ ókilderine bergen suhbatynda.
Sondai-aq, Prezident elde azamattyq qoǵamnyń joǵary belsendiligi baiqalyp kele jatqanyn atap ótti.
"Sailaý óte jaqsy deńgeide uiymdastyrylǵan. Ázirge eshqandai zańbuzýshylyq joq. Dese de biz baqylap otyrmyz. Bul jolǵy sailaý – qoǵam, ásirese azamattyq qoǵam úshin úlken synaq. Men bári jaqsy ótedi degen úmittemin", - dedi memleket basshysy.
Budan bólek, Toqaev májiliske ártúrli partiia kiretinine qatty úmittenetinin jetkizdi.
Prezident parlamentte el bolashaǵyna qatysty qyzý pikirtalas kútetinin málimdep, óte sapaly zańdar qabyldanýy tiis ekenin aitty.
