قر پرەزيدەنتٸ قاسىم-جومارت توقاەۆ ساياسي رەفورمالاردىڭ جاڭا توپتاماسى جايىندا ايتتى, دەپ حابارلايدى "ۇلت اقپارات".
«رەفورمالار دايىندالىپ جاتىر. رەفورمالار توقتاپ قالماۋى تيٸس. 15 قاڭتاردا پارلامەنتتە سٶز سٶيلەپ, ونىڭ ٸشٸندە مەجٸلٸستٸڭ جاڭا قۇرامىنا دا ٷندەۋ جاسايمىن. ودان كەيٸن ۇلتتىق قوعامدىق سەنٸم كەڭەسٸنٸڭ وتىرىسى ٶتٸپ, وندا رەفورمالار مەسەلەسٸنە قاتىستى ٶتە بايىپتى ەڭگٸمە بولادى», - دەدٸ توقاەۆ ەلورداداعى وقۋشىلار سارايىندا ورنالاسقان №58 سايلاۋ ۋچاسكەسٸندە داۋىس بەرگەننەن كەيٸن باق ٶكٸلدەرٸنە بەرگەن سۇحباتىندا.
سونداي-اق, پرەزيدەنت ەلدە ازاماتتىق قوعامنىڭ جوعارى بەلسەندٸلٸگٸ بايقالىپ كەلە جاتقانىن اتاپ ٶتتٸ.
"سايلاۋ ٶتە جاقسى دەڭگەيدە ۇيىمداستىرىلعان. ەزٸرگە ەشقانداي زاڭبۇزۋشىلىق جوق. دەسە دە بٸز باقىلاپ وتىرمىز. بۇل جولعى سايلاۋ – قوعام, ەسٸرەسە ازاماتتىق قوعام ٷشٸن ٷلكەن سىناق. مەن بەرٸ جاقسى ٶتەدٸ دەگەن ٷمٸتتەمٸن", - دەدٸ مەملەكەت باسشىسى.
بۇدان بٶلەك, توقاەۆ مەجٸلٸسكە ەرتٷرلٸ پارتييا كٸرەتٸنٸنە قاتتى ٷمٸتتەنەتٸنٸن جەتكٸزدٸ.
پرەزيدەنت پارلامەنتتە ەل بولاشاعىنا قاتىستى قىزۋ پٸكٸرتالاس كٷتەتٸنٸن مەلٸمدەپ, ٶتە ساپالى زاڭدار قابىلدانۋى تيٸس ەكەنٸن ايتتى.
