Mundai usynysty fizika-matematika ǵylymdarynyń doktory, akademik Asqar Jumadildaev Abai Seifollaǵa bergen suhbatynda aitty, dep habarlaidy Ulysmedia.kz.
Ǵalymnyń oiynsha, prezident Toqaev óz ókilettiginiń úsh jylyn Nazarbaevtyń kóleńkesinde joǵaltyp aldy. Sondyqtan oǵan eki merzim Prezidenttikpen qosa 3 jyl qosyp berý qajet dep esepteidi ol.
«Meniń biletinim - Toqaev ekinshi ret sailanady, odan keiin sailanbaidy. Toqaevtan keiin de adamdar bolady. Meniń ókinishim – Toqaev úsh jyl ýaqytyn bireýdiń astynda kóleńke bolyp bosqa ótkizip aldy. Eger depýtattar osy úsh jyldy birdeńe qylyp qosyp berse durys bolar edi. Toqaevqa tiesili 5 jyldyń úsh jyly ótti, endi eki-aq jyl bar. Sosyn taǵy 5 jyl. Osydan soń Toqaev «qoshtasam» dedi. Konstitýtsiia odan artyqqa ruqsat bermeidi. Men osy 10 jyl eń bolmaǵanda 13 bolsyn dep otyrmyn» , - dep pikir bildirdi Asqar Jumadildaev.
Depýtattyń biri osyndai usynyspen shyqsa, akademik qoldaý bildiretinin jetkizdi.
«Al aldyńǵy Prezident siiaqty 30 jylǵa sozýdyń qajeti joq. Máńgilik el, máńgilik Prezident degen uǵymdar durys emes», - dedi ol suhbatta.
