مۇنداي ۇسىنىستى فيزيكا-ماتەماتيكا عىلىمدارىنىڭ دوكتورى, اكادەميك اسقار جۇمادٸلداەۆ اباي سەيفوللاعا بەرگەن سۇحباتىندا ايتتى, دەپ حابارلايدى Ulysmedia.kz.
عالىمنىڭ ويىنشا, پرەزيدەنت توقاەۆ ٶز ٶكٸلەتتٸگٸنٸڭ ٷش جىلىن نازارباەۆتىڭ كٶلەڭكەسٸندە جوعالتىپ الدى. سوندىقتان وعان ەكٸ مەرزٸم پرەزيدەنتتٸكپەن قوسا 3 جىل قوسىپ بەرۋ قاجەت دەپ ەسەپتەيدٸ ول.
«مەنٸڭ بٸلەتٸنٸم - توقاەۆ ەكٸنشٸ رەت سايلانادى, ودان كەيٸن سايلانبايدى. توقاەۆتان كەيٸن دە ادامدار بولادى. مەنٸڭ ٶكٸنٸشٸم – توقاەۆ ٷش جىل ۋاقىتىن بٸرەۋدٸڭ استىندا كٶلەڭكە بولىپ بوسقا ٶتكٸزٸپ الدى. ەگەر دەپۋتاتتار وسى ٷش جىلدى بٸردەڭە قىلىپ قوسىپ بەرسە دۇرىس بولار ەدٸ. توقاەۆقا تيەسٸلٸ 5 جىلدىڭ ٷش جىلى ٶتتٸ, ەندٸ ەكٸ-اق جىل بار. سوسىن تاعى 5 جىل. وسىدان سوڭ توقاەۆ «قوشتاسام» دەدٸ. كونستيتۋتسييا ودان ارتىققا رۇقسات بەرمەيدٸ. مەن وسى 10 جىل ەڭ بولماعاندا 13 بولسىن دەپ وتىرمىن» , - دەپ پٸكٸر بٸلدٸردٸ اسقار جۇمادٸلداەۆ.
دەپۋتاتتىڭ بٸرٸ وسىنداي ۇسىنىسپەن شىقسا, اكادەميك قولداۋ بٸلدٸرەتٸنٸن جەتكٸزدٸ.
«ال الدىڭعى پرەزيدەنت سيياقتى 30 جىلعا سوزۋدىڭ قاجەتٸ جوق. مەڭگٸلٸك ەل, مەڭگٸلٸك پرەزيدەنت دەگەن ۇعىمدار دۇرىس ەمەس», - دەدٸ ول سۇحباتتا.
