Úkimet basshysynyń orynbasary Eraly Toǵjanov Nur-Sultan qalasynyń birqatar áleýmettik nysanyn aralap, jumysymen tanysyp qaitty, dep habarlaidy "Ult aqparat".
Vitse-premer laýazymyna taǵaiyndalǵanyna kóp bola qoimaǵan Eraly Toǵjanov aldymen «Januia» otbasylyq institýtyn qoldaý ortalyǵynda boldy. Ortalyq «Halyq únine qulaq asatyn memleket» tujyrymdamasy sheńberinde qurylǵan. Munda «Open space» alańy barlyq qajetti qyzmetterdi biriktiredi. Ortalyqta «bir tereze» qaǵidaty boiynsha 12 memlekettik organ men mekemeden kórsetiletin 70 qyzmet biriktirilgen.
Eraly Toǵjanovty «Januia» ortalyǵynyń jumysymen qala ákiminiń orynbasary Baqtiiar Máken tanystyrdy. Onyń aitýynsha, «Januia» ashylǵaly beri 11 myńnan astam azamat 24 403 másele boiynsha habarlasqan. Onyń ishinde 18 404 júielik keńes berilip, 5 999 másele boiynsha oń sheshim qabyldanǵan. Ataýly otbasylarǵa zańgerlik, psihologiialyq jáne áleýmettik kómek kórsetiledi. Ortalyq azamattarǵa jumys tabýǵa, júzege asyrylyp jatqan memlekettik baǵdarlamalar týraly egjei-tegjeili aqparat alýǵa, densaýlyq saqtaý, bilim berý, baspana, biznesti bastaý jáne memlekettik qoldaýǵa kezeń-kezeńimen jáne júieli keńester berýge múmkindik beredi.
Ortalyqta qala analaryna arnalǵan jeke biznesti damytýǵa arnalǵan «Kasipker ana» ortalyǵy jumys istep tur.
Osydan keiin Eraly Toǵjanov qalalyq №2 aýrýhana men Ortalyq temirjol aýrýhanasynyń jumysymen tanysty. Mindetti áleýmettik meditsinalyq saqtandyrý tártibi iske qosylǵaly emhanalar jumys retin tyń júiege beiimdep, tiisti jumysty júrgizip jatyr.
«Elordadaǵy mekemelerdi aralap shyqtyq. Qalalyq №2 aýrýhanada MÁMS júiesiniń engizilýine bailanysty birshama jumystyń atqarylyp jatqanyn kórip otyrmyz. Maǵan málim etilgendei qala turǵyndarynyń 92,5 paiyzy meditsinalyq saqtandyrýmen qamtylyp otyr. Bul – úlken jetistik dep aitýǵa bolady. 1 sáýirge deiin áli ýaqyt bar. Sondyqtan qalǵan azamattardy qamtý kerek. Eger oǵan ilikpegen azamattar bolsa, tegin meditsinalyq kómektiń kepildendirilgen kólemi aiasynda olarǵa tiisti kómek-qoldaý kórsetilýi tiis», - dedi Úkimet basshysynyń orynbasary.
Eraly Toǵjanov sonymen qatar Nur-Sultan qalasyndaǵy Ortalyq temirjol aýrýhanasynyń jumysyna da oń baǵasyn berdi.
«MÁMS-ke enbei qalǵan azamattardy mindetti túrde anyqtaý kerek. Olardyń sany belgili. Ol tek meditsina salasynyń azamattarynyń mindeti ǵana emes. IIM-men birge bul jumys júrgizilýi tiis. Nur-Sultan qalasyna basqa oblystardan kóship keletin azamattar kóp. Kelgen azamattarǵa kerekti jaǵdaida kómektiń bári kórsetilip jatyr. Meditsina salasyndaǵy reformanyń kómegimen dárigerlerdiń jalaqysyn 30 paiyzǵa arttyrýǵa múmkindik bar», - dedi ol.
.jpeg)