توعجانوۆ ەلورداداعى ەلەۋمەتتٸك نىسانداردىڭ جۇمىسىمەن تانىستى

ٷكٸمەت باسشىسىنىڭ ورىنباسارى ەرالى توعجانوۆ نۇر-سۇلتان قالاسىنىڭ بٸرقاتار ەلەۋمەتتٸك نىسانىن ارالاپ, جۇمىسىمەن تانىسىپ قايتتى, دەپ حابارلايدى "ۇلت اقپارات".

ۆيتسە-پرەمەر لاۋازىمىنا تاعايىندالعانىنا كٶپ بولا قويماعان ەرالى توعجانوۆ الدىمەن «جانۇيا» وتباسىلىق ينستيتۋتىن قولداۋ ورتالىعىندا بولدى. ورتالىق «حالىق ٷنٸنە قۇلاق اساتىن مەملەكەت» تۇجىرىمداماسى شەڭبەرٸندە قۇرىلعان. مۇندا «Open space» الاڭى بارلىق قاجەتتٸ قىزمەتتەردٸ بٸرٸكتٸرەدٸ. ورتالىقتا «بٸر تەرەزە» قاعيداتى بويىنشا 12 مەملەكەتتٸك ورگان مەن مەكەمەدەن كٶرسەتٸلەتٸن 70 قىزمەت بٸرٸكتٸرٸلگەن.

ەرالى توعجانوۆتى «جانۇيا» ورتالىعىنىڭ جۇمىسىمەن قالا ەكٸمٸنٸڭ ورىنباسارى باقتييار مەكەن تانىستىردى. ونىڭ ايتۋىنشا, «جانۇيا» اشىلعالى بەرٸ 11 مىڭنان استام ازامات 24 403 مەسەلە بويىنشا حابارلاسقان. ونىڭ ٸشٸندە 18 404 جٷيەلٸك كەڭەس بەرٸلٸپ, 5 999 مەسەلە بويىنشا وڭ شەشٸم قابىلدانعان. اتاۋلى وتباسىلارعا زاڭگەرلٸك, پسيحولوگييالىق جەنە ەلەۋمەتتٸك كٶمەك كٶرسەتٸلەدٸ. ورتالىق ازاماتتارعا جۇمىس تابۋعا, جٷزەگە اسىرىلىپ جاتقان مەملەكەتتٸك باعدارلامالار تۋرالى ەگجەي-تەگجەيلٸ اقپارات الۋعا, دەنساۋلىق ساقتاۋ, بٸلٸم بەرۋ, باسپانا, بيزنەستٸ باستاۋ جەنە مەملەكەتتٸك قولداۋعا كەزەڭ-كەزەڭٸمەن جەنە جٷيەلٸ كەڭەستەر بەرۋگە مٷمكٸندٸك بەرەدٸ.

ورتالىقتا قالا انالارىنا ارنالعان جەكە بيزنەستٸ دامىتۋعا ارنالعان «Kasipker ana» ورتالىعى جۇمىس ٸستەپ تۇر.

وسىدان كەيٸن ەرالى توعجانوۆ قالالىق №2 اۋرۋحانا مەن ورتالىق تەمٸرجول اۋرۋحاناسىنىڭ جۇمىسىمەن تانىستى. مٸندەتتٸ ەلەۋمەتتٸك مەديتسينالىق ساقتاندىرۋ تەرتٸبٸ ٸسكە قوسىلعالى ەمحانالار جۇمىس رەتٸن تىڭ جٷيەگە بەيٸمدەپ, تيٸستٸ جۇمىستى جٷرگٸزٸپ جاتىر.

«ەلورداداعى مەكەمەلەردٸ ارالاپ شىقتىق. قالالىق №2 اۋرۋحانادا مەمس جٷيەسٸنٸڭ ەنگٸزٸلۋٸنە بايلانىستى بٸرشاما جۇمىستىڭ اتقارىلىپ جاتقانىن كٶرٸپ وتىرمىز. ماعان مەلٸم ەتٸلگەندەي قالا تۇرعىندارىنىڭ 92,5 پايىزى مەديتسينالىق ساقتاندىرۋمەن قامتىلىپ وتىر. بۇل – ٷلكەن جەتٸستٸك دەپ ايتۋعا بولادى. 1 سەۋٸرگە دەيٸن ەلٸ ۋاقىت بار. سوندىقتان قالعان ازاماتتاردى قامتۋ كەرەك. ەگەر وعان ٸلٸكپەگەن ازاماتتار بولسا, تەگٸن مەديتسينالىق كٶمەكتٸڭ كەپٸلدەندٸرٸلگەن كٶلەمٸ اياسىندا ولارعا تيٸستٸ كٶمەك-قولداۋ كٶرسەتٸلۋٸ تيٸس», - دەدٸ ٷكٸمەت باسشىسىنىڭ ورىنباسارى.

ەرالى توعجانوۆ سونىمەن قاتار نۇر-سۇلتان قالاسىنداعى ورتالىق تەمٸرجول اۋرۋحاناسىنىڭ جۇمىسىنا دا وڭ باعاسىن بەردٸ.

«مەمس-كە ەنبەي قالعان ازاماتتاردى مٸندەتتٸ تٷردە انىقتاۋ كەرەك. ولاردىڭ سانى بەلگٸلٸ. ول تەك مەديتسينا سالاسىنىڭ ازاماتتارىنىڭ مٸندەتٸ عانا ەمەس. ٸٸم-مەن بٸرگە بۇل جۇمىس جٷرگٸزٸلۋٸ تيٸس. نۇر-سۇلتان قالاسىنا باسقا وبلىستاردان كٶشٸپ كەلەتٸن ازاماتتار كٶپ. كەلگەن ازاماتتارعا كەرەكتٸ جاعدايدا كٶمەكتٸڭ بەرٸ كٶرسەتٸلٸپ جاتىر. مەديتسينا سالاسىنداعى رەفورمانىڭ كٶمەگٸمەن دەرٸگەرلەردٸڭ جالاقىسىن 30 پايىزعا ارتتىرۋعا مٷمكٸندٸك بار», - دەدٸ ول.