Vitse-premer Eraly Toǵjanov bastaǵan úkimettik delegatsiia jumys saparymen Jambyl oblysynyń Qordai aýdanyna bardy, dep habarlaidy QazAqparat.
Premer-Ministrdiń orynbasary Memleket basshysynyń tapsyrmasy aiasynda vaktsinalar óndiretin biofarmatsevtikalyq zaýyttyń jumysymen tanysty.
Eraly Toǵjanov zaýytta oblys ákimi, institýt basshylyǵy, sarapshylardyń qatysýymen arnaiy keńes ótkizdi, onda zaýyttyń ózekti máseleleri qaralyp, sheshý joldary aiqyndaldy.
Sondai-aq, vitse-premer institýt qyzmetkerleri úshin turǵyn úi qurylysynyń barysyn tekserdi.
Turǵyn úimen qamtamasyz etý biologiialyq qaýipsizdik salasynda bilikti qyzmetkerlerdi tartý úshin jaǵdai jasaýǵa múmkindik beredi.
Budan bólek, delegatsiia Gvardeisk kentiniń turǵyndary úshin jańa dene shynyqtyrý-saýyqtyrý kesheniniń qurylysymen tanysty.
Sonymen qatar Toǵjanov buqaralyq sportty damytý úshin «Aýyl - el besigi» baǵdarlamasy aiasynda salynǵan Otar aýylyndaǵy mádeniet úii men dene shynyqtyrý-saýyqtyrý kesheniniń qurylys alańynda boldy. Keshen oiyn alańymen, kúres jáne jattyǵý zaldarymen jabdyqtalǵan, ústel tennisine arnalǵan bólmeler bar.
Jalpy, Premer-Ministrdiń orynbasary Qordai aýdanynyń áleýmettik infraqurylymyn jaqsartý boiynsha júrgizilip jatqan jumystarǵa oń baǵa berdi.
