ۆيتسە-پرەمەر ەرالى توعجانوۆ باستاعان ٷكٸمەتتٸك دەلەگاتسييا جۇمىس ساپارىمەن جامبىل وبلىسىنىڭ قورداي اۋدانىنا باردى, دەپ حابارلايدى قازاقپارات.
پرەمەر-مينيستردٸڭ ورىنباسارى مەملەكەت باسشىسىنىڭ تاپسىرماسى اياسىندا ۆاكتسينالار ٶندٸرەتٸن بيوفارماتسەۆتيكالىق زاۋىتتىڭ جۇمىسىمەن تانىستى.
ەرالى توعجانوۆ زاۋىتتا وبلىس ەكٸمٸ, ينستيتۋت باسشىلىعى, ساراپشىلاردىڭ قاتىسۋىمەن ارنايى كەڭەس ٶتكٸزدٸ, وندا زاۋىتتىڭ ٶزەكتٸ مەسەلەلەرٸ قارالىپ, شەشۋ جولدارى ايقىندالدى.
سونداي-اق, ۆيتسە-پرەمەر ينستيتۋت قىزمەتكەرلەرٸ ٷشٸن تۇرعىن ٷي قۇرىلىسىنىڭ بارىسىن تەكسەردٸ.
تۇرعىن ٷيمەن قامتاماسىز ەتۋ بيولوگييالىق قاۋٸپسٸزدٸك سالاسىندا بٸلٸكتٸ قىزمەتكەرلەردٸ تارتۋ ٷشٸن جاعداي جاساۋعا مٷمكٸندٸك بەرەدٸ.
بۇدان بٶلەك, دەلەگاتسييا گۆاردەيسك كەنتٸنٸڭ تۇرعىندارى ٷشٸن جاڭا دەنە شىنىقتىرۋ-ساۋىقتىرۋ كەشەنٸنٸڭ قۇرىلىسىمەن تانىستى.
سونىمەن قاتار توعجانوۆ بۇقارالىق سپورتتى دامىتۋ ٷشٸن «اۋىل - ەل بەسٸگٸ» باعدارلاماسى اياسىندا سالىنعان وتار اۋىلىنداعى مەدەنيەت ٷيٸ مەن دەنە شىنىقتىرۋ-ساۋىقتىرۋ كەشەنٸنٸڭ قۇرىلىس الاڭىندا بولدى. كەشەن ويىن الاڭىمەن, كٷرەس جەنە جاتتىعۋ زالدارىمەن جابدىقتالعان, ٷستەل تەننيسٸنە ارنالعان بٶلمەلەر بار.
جالپى, پرەمەر-مينيستردٸڭ ورىنباسارى قورداي اۋدانىنىڭ ەلەۋمەتتٸك ينفراقۇرىلىمىن جاقسارتۋ بويىنشا جٷرگٸزٸلٸپ جاتقان جۇمىستارعا وڭ باعا بەردٸ.
