QR Kásipodaqtar federatsiiasynyń tóraǵasy Eraly Toǵjanov kásipodaq uiymdaryna qandai suraqtar kóp qoiylatyndyǵy týraly aitty, dep habarlaidy "Ult aqparat".
«Bizge kóbinese jalaqy týraly suraqtar qoiylady. Biyl kásipodaqtar uiymdaryna jalaqyǵa qatysty 7 myńnan astam azamattan suraq kelip tústi. Onyń 2300-ge jýyǵy naqty sheshimderin tapty», - dedi Eraly Toǵjanov Ortalyq kommýnikatsiialar qyzmetinde ótken brifingte.
Sondai-aq, ol eńbek qaýipsizdigine bailanysty suraqtarmen turǵyndar ótinish jasaidy.
«Jumysshylardy qorǵaýǵa qatysty suraq kóp qoiylady. Jalpy kópshilik adam jumysqa turatyn kezde jumys berýshi arasyndaǵy eńbek týraly kelisimdi oqymai, qol qoiyp, keiin jumystan shyǵatyn kezde qarai bastaidy. Bul baǵytta eki tarap ta saýatty bolýy kerek», - deidi ol.
Tóraǵa budan basqa turǵyn úimen qamtamasyz etý, balabaqshaǵa ornalasý, aliment tóleý múgedekter arbasymen qamtamasyz etýge bailanysty suraqtar qoiylatynyn, ol suraqtardy tiisti ministrlikke jiberip jaýap beretinderin aitty.
