قر كەسٸپوداقتار فەدەراتسيياسىنىڭ تٶراعاسى ەرالى توعجانوۆ كەسٸپوداق ۇيىمدارىنا قانداي سۇراقتار كٶپ قويىلاتىندىعى تۋرالى ايتتى, دەپ حابارلايدى "ۇلت اقپارات".
«بٸزگە كٶبٸنەسە جالاقى تۋرالى سۇراقتار قويىلادى. بيىل كەسٸپوداقتار ۇيىمدارىنا جالاقىعا قاتىستى 7 مىڭنان استام ازاماتتان سۇراق كەلٸپ تٷستٸ. ونىڭ 2300-گە جۋىعى ناقتى شەشٸمدەرٸن تاپتى», - دەدٸ ەرالى توعجانوۆ ورتالىق كوممۋنيكاتسييالار قىزمەتٸندە ٶتكەن بريفينگتە.
سونداي-اق, ول ەڭبەك قاۋٸپسٸزدٸگٸنە بايلانىستى سۇراقتارمەن تۇرعىندار ٶتٸنٸش جاسايدى.
«جۇمىسشىلاردى قورعاۋعا قاتىستى سۇراق كٶپ قويىلادى. جالپى كٶپشٸلٸك ادام جۇمىسقا تۇراتىن كەزدە جۇمىس بەرۋشٸ اراسىنداعى ەڭبەك تۋرالى كەلٸسٸمدٸ وقىماي, قول قويىپ, كەيٸن جۇمىستان شىعاتىن كەزدە قاراي باستايدى. بۇل باعىتتا ەكٸ تاراپ تا ساۋاتتى بولۋى كەرەك», - دەيدٸ ول.
تٶراعا بۇدان باسقا تۇرعىن ٷيمەن قامتاماسىز ەتۋ, بالاباقشاعا ورنالاسۋ, اليمەنت تٶلەۋ مٷگەدەكتەر ارباسىمەن قامتاماسىز ەتۋگە بايلانىستى سۇراقتار قويىلاتىنىن, ول سۇراقتاردى تيٸستٸ مينيسترلٸككە جٸبەرٸپ جاۋاپ بەرەتٸندەرٸن ايتتى.
