Onlain rejimde ótken TMD-ǵa qatysýshy elderdiń qurylys qyzmetindegi yntymaqtastyq jónindegi Úkimetaralyq keńesiniń (Úkimetaralyq keńes) XI otyrysynda qatysýshylar qurylystaǵy jikteý men kodtaýdyń biryńǵai júiesin qabyldaýdy maquldady, dep habarlady QR Indýstriia jáne infraqurylymdyq damý ministrliginiń resmi saity.
Úkimetaralyq keńes TMD-ǵa qatysýshy elderdiń qurylys jáne standarttaý jónindegi ulttyq organdaryna «Qurylystaǵy aqparattyq modeldeý. Aqparatty jikteý jáne kodtaý qaǵidattary» memleketaralyq standartyn (MEMST) qaraýdy jáne engizý úshin daýys berýge qatysýdy usyndy.
Jikteý men kodtaýdyń biryńǵai júiesin engizý týraly usynysty alǵash ret 2019 jyly Úkimetaralyq keńestiń XXXIX otyrysynda Qazaqstan Respýblikasy Qurylys jáne turǵyn úi-kommýnaldyq sharýashylyq isteri komitetiniń tóraǵasy Marhabbat Jaiymbetov aitqan bolatyn. Úkimetaralyq keńeste Qurylysta jikteý men kodtaýdyń biryńǵai júiesin (QJKBJ) ázirleý boiynsha Qazaqstan Respýblikasynyń oń tájiribesi atap ótildi jáne osy baǵyttaǵy jumysty jalǵastyrý usynyldy.
«QazQSǴZI» AQ bazasynda 2018 jyldan bastap qurylys keshenindegi tehnikalyq retteý problemalary boiynsha TMD-ǵa qatysýshy memleketterdiń Bazalyq uiymy janynda aqparattyq modeldeý salasyndaǵy normativtik-tehnikalyq bazany damytý jónindegi Komissiia (Komissiia) jumys isteidi.
2020 jylǵy 29 qazanda Komissiia otyrysynda «Qurylystaǵy aqparattyq modeldeý. Aqparatty jikteý jáne kodtaý qaǵidattary» jobasyn 8 memleketten kelgen qurylys salasyndaǵy 30 jetekshi sarapshy qarady. Ózara pikir almasyp, MEMST-ty joǵary turǵan organdarǵa usyný jáne qujatty standarttaý jónindegi beiindi alańdarǵa ornalastyrý týraly sheshim qabyldandy.
Qujat Qurylystaǵy normalaý, standarttaý jáne sáikestikti tehnikalyq baǵalaý federaldy ortalyǵynyń (FSO FAM) bastamasy boiynsha Qurylystaǵy tsifrlandyrý jáne jobalaý ǵylymi-injenerlik ortalyǵymen (RF) ázirlendi.
«Qurylystaǵy biryńǵai jikteý júiesiniń negizgi róli - aqparatty komponentterge, fýnktsionaldy jáne tehnikalyq júielerge bólý, olardy biregei sáikestendirý jáne shatasýdy azaitý bolyp tabylady. Budan basqa, memleketaralyq standart halyqaralyq talaptarǵa sáikes mazmuny ulttyq deńgeide aiqyndalýy múmkin jikteý kesteleriniń nomenklatýrasyn belgileidi»,- dep túsindirdi Aqparattyq modeldeý salasyndaǵy normativtik-tehnikalyq bazany damytý jónindegi komissiianyń basshysy Aleksandr Shahnovich.
Qurylystaǵy halyqaralyq standarttarǵa negizdelgen jikteý men kodtaýdyń atalǵan júiesi TMD-ǵa qatysýshy elderge zańnamany jáne árbir eldiń ulttyq talaptaryn eskere otyryp, aqparattyq modelderde aqparatty qurylymdaý máselelerinde biryńǵai qaǵidattar men tásilderdi qalyptastyrýǵa múmkindik beredi dep boljanýda.
