TMD Syrtqy ister ministrleri keńesiniń (SIMK) otyrysy 2020 jyly 3 sáýirde Almatyda ótedi dep josparlanýda. Bul týraly TMD Atqarý komitetiniń tóraǵasy – atqarýshy hatshysy Sergei Lebedev jýrnalisterge málim etti, dep habarlaidy "Ult aqparat" BELTA-ǵa silteme jasap.
«Búgin biz aldaǵy otyrystyń aldyn ala josparyn ǵana talqylaimyz. Jiyn 2020 jyldyń 3 sáýirinde ótetinin josparlap otyrmyz. Bul, Qazaqstan tarapynyń usynysy, ony barlyǵy qoldady. Onda talqylanatyn mańyzdy qujattar negizinen gýmanitarlyq jáne saiasi ózara árekettestik salalaryna qatysty bolmaq», - dedi Sergei Lebedev.
Onyń aitýynsha, SIMK otyrysy kezinde 2019 jyly ótken Syrtqy ister ministrleri arasyndaǵy konsýltatsiialardyń qorytyndysy shyǵarylyp, 2020 jyly olardy ótkizý jospary talqylanady.
«Syrtqy ister ministrleri arasyndaǵy konsýltatsiialar turaqty túrde ótkizilip turady, shamamen eki aida bir ret. Kún tártibinde TMD-nyń halyqaralyq qyzmetindegi ózekti máseleler kóteriledi. Jáne bul TMD Syrtqy ister ministrleri keńesiniń otyrysyndaǵy negizgi máselelerdiń biri bolatynyn boljap otyrmyn», - dep atap ótti Sergei Lebedev.
