تمد سىرتقى ٸستەر مينيسترلەرٸ كەڭەسٸنٸڭ (سٸمك) وتىرىسى 2020 جىلى 3 سەۋٸردە الماتىدا ٶتەدٸ دەپ جوسپارلانۋدا. بۇل تۋرالى تمد اتقارۋ كوميتەتٸنٸڭ تٶراعاسى – اتقارۋشى حاتشىسى سەرگەي لەبەدەۆ جۋرناليستەرگە مەلٸم ەتتٸ, دەپ حابارلايدى "ۇلت اقپارات" بەلتا-عا سٸلتەمە جاساپ.
«بٷگٸن بٸز الداعى وتىرىستىڭ الدىن الا جوسپارىن عانا تالقىلايمىز. جيىن 2020 جىلدىڭ 3 سەۋٸرٸندە ٶتەتٸنٸن جوسپارلاپ وتىرمىز. بۇل, قازاقستان تاراپىنىڭ ۇسىنىسى, ونى بارلىعى قولدادى. وندا تالقىلاناتىن ماڭىزدى قۇجاتتار نەگٸزٸنەن گۋمانيتارلىق جەنە ساياسي ٶزارا ەرەكەتتەستٸك سالالارىنا قاتىستى بولماق», - دەدٸ سەرگەي لەبەدەۆ.
ونىڭ ايتۋىنشا, سٸمك وتىرىسى كەزٸندە 2019 جىلى ٶتكەن سىرتقى ٸستەر مينيسترلەرٸ اراسىنداعى كونسۋلتاتسييالاردىڭ قورىتىندىسى شىعارىلىپ, 2020 جىلى ولاردى ٶتكٸزۋ جوسپارى تالقىلانادى.
«سىرتقى ٸستەر مينيسترلەرٸ اراسىنداعى كونسۋلتاتسييالار تۇراقتى تٷردە ٶتكٸزٸلٸپ تۇرادى, شامامەن ەكٸ ايدا بٸر رەت. كٷن تەرتٸبٸندە تمد-نىڭ حالىقارالىق قىزمەتٸندەگٸ ٶزەكتٸ مەسەلەلەر كٶتەرٸلەدٸ. جەنە بۇل تمد سىرتقى ٸستەر مينيسترلەرٸ كەڭەسٸنٸڭ وتىرىسىنداعى نەگٸزگٸ مەسەلەلەردٸڭ بٸرٸ بولاتىنىن بولجاپ وتىرمىن», - دەپ اتاپ ٶتتٸ سەرگەي لەبەدەۆ.
