Búgin beinekonferentsiia rejiminde TMD Densaýlyq saqtaý salasyndaǵy yntymaqtastyq jónindegi keńestiń HHHII otyrysy ótti. QR Densaýlyq saqtaý ministri Aleksei Tsoi qatysýshylarǵa koronavirýstyń yqtimal ekinshi tolqynyna elimizdiń daiyndyq barysyn baiandady, dep habarlaidy "Ult aqparat".
«Pandemiianyń alǵashqy aptalarynan bastap el Úkimeti kúsh-jigerdi ekonomikalyq turaqtylyqty qamtamasyz etý jáne infektsiianyń taralýyna qarsy sharalar ázirleýge baǵyttady. QR Premer-Ministriniń tóraǵalyǵymen Vedomstvoaralyq komissiia quryldy, COVID-19 máseleleri boiynsha jedel shtab jumysyn bastady. Sondai-aq ministrlik janynan epidemiologiialyq ahýal boiynsha sarapshylardyń respýblikalyq shtaby quryldy», - dedi A.Tsoi.
Ministr atap ótkendei, az ýaqyt ishinde respýblikada halyqaralyq standarttarǵa sáikes keletin 16 infektsiialyq keshen salyndy. Aiyna 60 myńǵa jýyq naýqasty COVID-19 infektsiiasynan emdeýge arnalǵan dári-dármektiń eki ailyq qory quryldy. Qosymsha sanitarlyq kólikter satyp alyndy. Búginde elimizdiń túkpir-túkpirine 100 mobildi meditsinalyq keshen jetkizildi.
Otyrysqa Keńes músheleri men Qazaqstan, Armeniia, Belarýs, Qyrǵyzstan, Moldova, Resei, Tájikstan, Túrikmenstan jáne Ózbekstannan, sondai-aq DDSU Eýropalyq aimaqtyq biýrosy, TMD jáne Eýraziia onkologiia jáne rentgenologiialyq radiologiia ortalyqtary men institýttarynyń direktorlary qaýymdastyǵy, Halyqaralyq federatsiia men Qyzyl Krest jáne Qyzyl Jarty Ai qoǵamdary, múddeli uiymdar men vedomstvolardyń ókilderi qatysty.
Qatysýshylar koronavirýs infektsiiasymen kúreste TMD-ǵa múshe memleketterdiń ózara bailanysyn damytý, sondai-aq qant diabetiniń aldyn alý jáne emdeý boiynsha TMD yntymaqtastyq baǵdarlamasyn júzege asyrý máselelerin talqylady.
«Otyrysqa qatysýshylar DDSU Eýropalyq aimaqtyq biýrosynyń Qoǵamdyq densaýlyq saqtaý júieleriniń ulttyq fýnktsionaldyq áleýetin baqylaý jáne memlekettik deńgeide COVID-19 infektsiiasyn aldyn-alý sharalaryn monitoringileý jáne baǵalaý boiynsha úzdik tájiribelerdi anyqtaý maqsatynda yntymaqtastyqty odan ári damytý týraly usynysty biraýyzdan maquldady.
TMD memleketterinde COVID – 19 epidemiologiialyq, klinikalyq jáne ǵylymi derekterdi jinaý, taldaý maqsatynda Keńeske 2020 jylǵy 25 jeltoqsanǵa deiin jiti respiratorlyq infektsiialar men tumaýmen syrqattanýshylyqtyń maýsymdyq kóterilýi kezeńinde koronavirýs infektsiiasynyń erekshelikteri jáne TMD-ǵa qatysýshy memleketterde popýliatsiialyq immýnitettiń jai-kúii týraly taldamalyq aqparat usyný tapsyryldy.
Sonymen qatar, kezdesý qorytyndysy boiynsha TMD–ǵa qatysýshy memleketterdiń qant diabeti máseleleri jónindegi sarapshylar keńesine 2016-2020 jyldarǵa arnalǵan qant diabetiniń aldyn alý jáne emdeý jónindegi baǵdarlamanyń oryndalý qorytyndylary týraly aqparatty jáne statistikalyq derekterge taldaý jasaý tapsyryldy», - delingen QR densaýlyq saqtaý ministrliginiń aqparatynda.
