Parlament Májilisiniń jalpy otyrysynda «2005 jylǵy 25 qarashadaǵy TMD-ǵa qatysýshy memleketterdiń avtokólik quraldaryn jymqyrýǵa qarsy kúrestegi jáne olardy qaitarýdy qamtamasyz etýdegi yntymaqtastyǵy týraly kelisimge ózgerister engizý týraly hattamany ratifikatsiialaý týraly» zań jobasy maquldandy, dep habarlaidy "Ult aqparat".
«Búginde Táýelsiz memleketter dostastyǵy kelisimine sáikes, eldermen shekaramyz ashyq. Osyny paidalanyp, keibir azamattar zań buzýshylyqtar jasaidy. Mysaly, 2005 jyldan bastap, osy kezge deiin urlanǵan 223-ten astam kóliktiń tek 30 paiyzy (66 kólik) elge qaitaryldy. Óitkeni, suraý salý normalarynda kemshilikter bar. Osy kemshilikterdi joiý úshin qujatqa jańa normalar engizildi», - dedi Ishki ister ministri Erlan Turǵymbaev.
Onyń aitýynsha, endi ereje boiynsha suraý salýdy oryndaýǵa bir ǵana ai beriledi. Sondyqtan suraý salý boiynsha aqparat usynýdan bas tartý úshin naqty negiz qajet.
Sonymen qatar, hattamada:
- jol-kólik, órt jáne tabiǵi apattan zardap shekken avtokólikter týraly málimet berý;
- keden organdarymen aqparat almasý;
- 1 jyl ishinde suraýy joq avtokólik qai jerde anyqtalsa, sol memlekette qaldyrý máseleleri qarastyrylǵan.
«Eýraziialyq Ekonomikalyq odaqqa kiretin memleketter arasynda ortaq kedendik shekara bar. Kólikter tekserilmeidi. Sondyqtan osy kólikterdi baqylap, aqparat almasý úshin bul hattama qajet.
Ótken jyldyń sáýir aiynda osy zań jobasy Parlamentte qaralǵan bolatyn. Biraq bir norma kirmei qalǵandyqtan, keri qaitaryldy. Halyqaralyq sharttarǵa sáikes, Hattamanyń 1-shi baby, 5-shi tarmaǵy, e) tarmaqshasyndaǵy normany zań jobasyna kirgizý qajet boldy.
Ol jerde myna másele aitylǵan: «Bizdiń memlekette shekaradan ótetin kólikter týraly aqparattyq derekter bazasy joq. Sondyqtan bul norma Qazaqstanǵa qoldanylmaidy». Osy eskertpeni zań jobasyna kirgizdik. Búginde barlyq normalar halyqaralyq «Vena konventsiiasyna» sáikes keltirildi», - dedi ministr.
«Búginde Táýelsiz memleketter dostastyq elderiniń arasynda avtokólikterdi urlaý problema bolyp tur. Osy kelisimdi bekitý - azamattardyń quqyǵyn qorǵap, urlanǵan kólikterdi qaitarýdyń jolyn jeńildetedi. Osy Zańdy qabyldaý teris áleýmettik-ekonomikalyq jáne quqyqtyq saldarǵa ákep soqpaidy, qosymsha qarjy talap etpeidi», - dedi Erlan Turǵymbaev.
