TMD-da orys tilin ilgeriletý jónindegi halyqaralyq uiym qurylady. Bul týraly Resei Prezidenti Vladimir Pýtin TMD memleket basshylary keńesiniń sammitinde málimdedi, dep habarlaidy Sputnik Qazaqstan.
Pýtin eki jyl buryn 2023 jyldy TMD-daǵy ultaralyq qarym-qatynas tili retinde "orys tili jyly" dep jariialaý týraly sheshim qabyldanǵanyn eske saldy.
"Biz ony Qazaqstan Prezidenti Qasym-Jomart Kemeluly Toqaev usynǵan jańa qyzyqty jobamen bastaǵaly otyrmyz. Bul - TMD qoldaýymen orys tilin ilgeriletý jónindegi halyqaralyq uiym qurý. Biz bul bastamanyń júzege asýyna bar kúshimizdi salamyz. Mynaǵan nazar aýdarǵym keledi: bul - aldyn ala daiyndalǵan dúnie emes, bul - Qazaqstan Prezidentiniń ideiasy. Ol bul usynysy jaily menimen buǵan deiin bólisken bolatyn. Árine, Resei bul bastamany qoldaidy", - dedi Pýtin sammitte.
