Ulybritaniianyń «The Independent» basylymynda áigili «Titanik» kemesiniń sýǵa batýynyń jańa bir sebebi týraly maqala jariialandy. Maqalany 30 jyldan beri sýǵa ketken kemeni zertteýmen ainalysyp kele jatqan tilshi-ǵalym Shenan Moloni jazǵan.
Britandyq zertteýshi «Titanik» kemesi apatty jaǵdaida attanǵany jaily habarlap otyr. Keme Saýtgempton portynan shyqpai turyp, otyn qoimasynan órt shyqqan. Jaýapty mamandar apatty bilgenmen, asa qaýipti sanamaǵan. Qyzmetkerlerge qupiia saqtaýyn ótingen. Nátijesinde órt uzaq ýaqytqa sozylyp, kemeniń temir qaptaýynyń beriktigin 75%-ǵa deiin eritken. Al aisberg órt shyǵyp juqarǵan qaptaýǵa kelip soǵysqan.
Shenan Moloni kemede órt bolǵanyn fotolardan da anyqtaýǵa bolatynyn óz zertteýi boiynsha dáleldep otyr. «Titaniktiń» otyn qoimasy ornalasqan bóliginen kúiik bar ekenin de ańǵarýǵa bolady» - deidi kemeni zertteýshi. Osylaisha áigili kemeniń sýǵa ketýine tek aisberg qana sebep emes ekeni maqalada jazylǵan.
Aita keteiik, HH ǵasyrdyń iri apattarynyń biri – «Titanik» kemesiniń sýǵa batýy. Ol álemdegi eń iri jolaýshylar tasymaldaityn kemelerdiń biri bolǵan. Keme 1912 jyly 14 sáýir kúni óziniń alǵashqy saparyn jasaidy. Sol kúni Atlant muhitynda muztaýǵa soqtyǵysyp, 2 saǵat 40 minýtta batyp ketedi. Bortta 1316 jolaýshy men 892 ekipaj músheleri, barlyǵyn qosqanda 2208 adam bolǵan. 1496 adam qaza taýyp, aman qalǵan 712 adamdy kómekke kelgen «Karpatiia» kemesi qutqarǵan.
