ۇلىبريتانييانىڭ «The Independent» باسىلىمىندا ەيگٸلٸ «تيتانيك» كەمەسٸنٸڭ سۋعا باتۋىنىڭ جاڭا بٸر سەبەبٸ تۋرالى ماقالا جارييالاندى. ماقالانى 30 جىلدان بەرٸ سۋعا كەتكەن كەمەنٸ زەرتتەۋمەن اينالىسىپ كەلە جاتقان تٸلشٸ-عالىم شەنان مولوني جازعان.
بريتاندىق زەرتتەۋشٸ «تيتانيك» كەمەسٸ اپاتتى جاعدايدا اتتانعانى جايلى حابارلاپ وتىر. كەمە ساۋتگەمپتون پورتىنان شىقپاي تۇرىپ, وتىن قويماسىنان ٶرت شىققان. جاۋاپتى ماماندار اپاتتى بٸلگەنمەن, اسا قاۋٸپتٸ ساناماعان. قىزمەتكەرلەرگە قۇپييا ساقتاۋىن ٶتٸنگەن. نەتيجەسٸندە ٶرت ۇزاق ۋاقىتقا سوزىلىپ, كەمەنٸڭ تەمٸر قاپتاۋىنىڭ بەرٸكتٸگٸن 75%-عا دەيٸن ەرٸتكەن. ال ايسبەرگ ٶرت شىعىپ جۇقارعان قاپتاۋعا كەلٸپ سوعىسقان.
شەنان مولوني كەمەدە ٶرت بولعانىن فوتولاردان دا انىقتاۋعا بولاتىنىن ٶز زەرتتەۋٸ بويىنشا دەلەلدەپ وتىر. «تيتانيكتٸڭ» وتىن قويماسى ورنالاسقان بٶلٸگٸنەن كٷيٸك بار ەكەنٸن دە اڭعارۋعا بولادى» - دەيدٸ كەمەنٸ زەرتتەۋشٸ. وسىلايشا ەيگٸلٸ كەمەنٸڭ سۋعا كەتۋٸنە تەك ايسبەرگ قانا سەبەپ ەمەس ەكەنٸ ماقالادا جازىلعان.
ايتا كەتەيٸك, حح عاسىردىڭ ٸرٸ اپاتتارىنىڭ بٸرٸ – «تيتانيك» كەمەسٸنٸڭ سۋعا باتۋى. ول ەلەمدەگٸ ەڭ ٸرٸ جولاۋشىلار تاسىمالدايتىن كەمەلەردٸڭ بٸرٸ بولعان. كەمە 1912 جىلى 14 سەۋٸر كٷنٸ ٶزٸنٸڭ العاشقى ساپارىن جاسايدى. سول كٷنٸ اتلانت مۇحيتىندا مۇزتاۋعا سوقتىعىسىپ, 2 ساعات 40 مينۋتتا باتىپ كەتەدٸ. بورتتا 1316 جولاۋشى مەن 892 ەكيپاج مٷشەلەرٸ, بارلىعىن قوسقاندا 2208 ادام بولعان. 1496 ادام قازا تاۋىپ, امان قالعان 712 ادامدى كٶمەككە كەلگەن «كارپاتييا» كەمەسٸ قۇتقارعان.
