Aqparat jáne kommýnikatsiia ministri Dáýren Abaev aldyn ala eskertýge qaramastan, Qazaqstan turǵyndaryn uialy bailanystan nelikten ajyratpaǵanyn aityp berdi, dep habarlaidy Sputnik.
Zań boiynsha uialy bailanysta jumys isteitin telefondar men basqa da qurylǵylardyń iesi operatorǵa óz JSN-in (eger ol jeke tulǵa bolsa) nemese biznes sáikestendirý nómirin (zańdy tulǵa) habarlaýy tiis.
Abaev uialy qurylǵylardy tirkeý protsesi qalai júrip jatqanyn málim etti.
"Nelikten ajyratpaǵanymyzdy surap tursyz ba? Bul jumys qazirgi tańda avtorizatsiiadan ótpegen adamdarmen turaqty júrgizilip keledi, barlyq uialy bailanys operatorymen jeke jumys istep jatyrmyz. Biz qolaisyzdyq týǵyzǵymyz kelmeidi, qaita adamdardyń telefondy paidalanǵanyn qalaimyz", — deidi vedomstvo basshysy.
Qazirgi ýaqytta abonentter usynǵan derekter salystyrylyp jatyr. Ol aiaqtala salysymen sheshim qabyldanady, dep tolyqtyrdy Abaev.
Budan basqa, ministr Qazaqstandaǵy internet jelisine qoljetimdilik problemasyna túsinikteme berdi. Ol "turaqty jumys istemeitin internet" týraly aqparat jalǵan ekenin aitty.
"Oqtyn-oqtyn tehnikalyq sebepter týyndaidy. Bizdiń tarapymyzdan ondai joq. Ministrlik máselemen turaqty ainalysady, biz jeke óńirlerde, qalalarda árbir operatordyń bailanys sapasyn baqylap otyramyz", — dedi úkimet otyrysynyń klýarynda Dáýren Abaev.
Abaev ózi úshin internetke kirýdiń naqty kestesi joq ekenin atap ótti.
"Keshe internetke toǵyzdyń shamasynda kirdim, eshqandai problema bolmady", — dedi ol.
Aqparat ministrligi jeliniń jumysyna kedergi keltirmeidi, dep túsindirdi ministr.
Qazaqstanda qoldanýshylar internet jelisine qoljetimdilik problemasyna, atap aitqanda, YouTube, Facebook jáne messendjerlerge kire almai qalamyz dep jii shaǵymdanady.
