اقپارات جەنە كوممۋنيكاتسييا مينيسترٸ دەۋرەن اباەۆ الدىن الا ەسكەرتۋگە قاراماستان, قازاقستان تۇرعىندارىن ۇيالى بايلانىستان نەلٸكتەن اجىراتپاعانىن ايتىپ بەردٸ, دەپ حابارلايدى Sputnik.
زاڭ بويىنشا ۇيالى بايلانىستا جۇمىس ٸستەيتٸن تەلەفوندار مەن باسقا دا قۇرىلعىلاردىڭ يەسٸ وپەراتورعا ٶز جسن-ٸن (ەگەر ول جەكە تۇلعا بولسا) نەمەسە بيزنەس سەيكەستەندٸرۋ نٶمٸرٸن (زاڭدى تۇلعا) حابارلاۋى تيٸس.
اباەۆ ۇيالى قۇرىلعىلاردى تٸركەۋ پروتسەسٸ قالاي جٷرٸپ جاتقانىن مەلٸم ەتتٸ.
"نەلٸكتەن اجىراتپاعانىمىزدى سۇراپ تۇرسىز با? بۇل جۇمىس قازٸرگٸ تاڭدا اۆتوريزاتسييادان ٶتپەگەن ادامدارمەن تۇراقتى جٷرگٸزٸلٸپ كەلەدٸ, بارلىق ۇيالى بايلانىس وپەراتورىمەن جەكە جۇمىس ٸستەپ جاتىرمىز. بٸز قولايسىزدىق تۋعىزعىمىز كەلمەيدٸ, قايتا ادامداردىڭ تەلەفوندى پايدالانعانىن قالايمىز", — دەيدٸ ۆەدومستۆو باسشىسى.
قازٸرگٸ ۋاقىتتا ابونەنتتەر ۇسىنعان دەرەكتەر سالىستىرىلىپ جاتىر. ول اياقتالا سالىسىمەن شەشٸم قابىلدانادى, دەپ تولىقتىردى اباەۆ.
بۇدان باسقا, مينيستر قازاقستانداعى ينتەرنەت جەلٸسٸنە قولجەتٸمدٸلٸك پروبلەماسىنا تٷسٸنٸكتەمە بەردٸ. ول "تۇراقتى جۇمىس ٸستەمەيتٸن ينتەرنەت" تۋرالى اقپارات جالعان ەكەنٸن ايتتى.
"وقتىن-وقتىن تەحنيكالىق سەبەپتەر تۋىندايدى. بٸزدٸڭ تاراپىمىزدان ونداي جوق. مينيسترلٸك مەسەلەمەن تۇراقتى اينالىسادى, بٸز جەكە ٶڭٸرلەردە, قالالاردا ەربٸر وپەراتوردىڭ بايلانىس ساپاسىن باقىلاپ وتىرامىز", — دەدٸ ٷكٸمەت وتىرىسىنىڭ كلۋارىندا دەۋرەن اباەۆ.
اباەۆ ٶزٸ ٷشٸن ينتەرنەتكە كٸرۋدٸڭ ناقتى كەستەسٸ جوق ەكەنٸن اتاپ ٶتتٸ.
"كەشە ينتەرنەتكە توعىزدىڭ شاماسىندا كٸردٸم, ەشقانداي پروبلەما بولمادى", — دەدٸ ول.
اقپارات مينيسترلٸگٸ جەلٸنٸڭ جۇمىسىنا كەدەرگٸ كەلتٸرمەيدٸ, دەپ تٷسٸندٸردٸ مينيستر.
قازاقستاندا قولدانۋشىلار ينتەرنەت جەلٸسٸنە قولجەتٸمدٸلٸك پروبلەماسىنا, اتاپ ايتقاندا, YouTube, Facebook جەنە مەسسەندجەرلەرگە كٸرە الماي قالامىز دەپ جيٸ شاعىمدانادى.
