Foto: Túrkistan oblysy ákimdiginiń baspasóz qyzmeti
Mádeniet jáne aqparat ministrligi monýmenttik óner qurylystaryn ornatý qaǵidalaryn bekitý týraly buiryqtyń jobasyn ázirledi, dep habarlaidy «Ult aqparat».
"Ashyq NQA" portalynda jariialǵan qujatqa sáikes, monýmenttik óner qurylystary asa kórnekti tulǵalardy, mańyzdy tarihi oqiǵalardy máńgi este qaldyrý úshin ornatylatyn monýmenttik óner týyndylary (eskertkishter, stelalar, biýstter) bolyp tabylady. Al jergilikti atqarýshy organdar monýmenttik óner qurylystaryn biýdjet jáne biýdjetten tys qarajat esebinen júrgizedi. Ondai qurylystar kórnekti tulǵalardyń mereitoilyq jáne ataýly kúnderine, mańyzdy tarihi oqiǵalarǵa orailastyrylady
"Monýmenttik óner qurylystary Respýblikalyq onomastika komissiiasy bekitken tarihi tulǵalar tiziminde kórnekti túlǵanyń bolýyn eskere otyryp ornatylady. Qurylys memleket táýelsizdigin nyǵaitýǵa qosqan, qaharmandyq pen erlik kórsetken erekshe jaǵdailardy qospaǵanda, asa kórnekti tulǵalar qaitys bolǵan jáne (nemese) tarihi oqiǵalar bolǵan kúnnen bastap bes jyldan erte qaralmaidy", - delingen buiryq jobasynda.
Al sybailas jemqorlyq táýekelderin boldyrmaý maqsatynda jergilikti atqarýshy organdar músinshiler arasynda qurylystyń úzdik jumys jobalaryna respýblikalyq shyǵarmashylyq konkýrs jariialaýǵa mindetti.
Budan bólek, osy qujat boiynsha mádeniet jáne sport ministriniń 2021 jylǵy 29 jeltoqsandaǵy 406 buiryǵynyń kúshi joiylady. Qujattyń jobasy 21 mamyrǵa deiin qoǵamdyq talqylaýǵa shyǵarylyp otyr.
