فوتو: تٷركٸستان وبلىسى ەكٸمدٸگٸنٸڭ باسپاسٶز قىزمەتٸ
مەدەنيەت جەنە اقپارات مينيسترلٸگٸ مونۋمەنتتٸك ٶنەر قۇرىلىستارىن ورناتۋ قاعيدالارىن بەكٸتۋ تۋرالى بۇيرىقتىڭ جوباسىن ەزٸرلەدٸ, دەپ حابارلايدى «ۇلت اقپارات».
"اشىق نقا" پورتالىندا جارييالعان قۇجاتقا سەيكەس, مونۋمەنتتٸك ٶنەر قۇرىلىستارى اسا كٶرنەكتٸ تۇلعالاردى, ماڭىزدى تاريحي وقيعالاردى مەڭگٸ ەستە قالدىرۋ ٷشٸن ورناتىلاتىن مونۋمەنتتٸك ٶنەر تۋىندىلارى (ەسكەرتكٸشتەر, ستەلالار, بيۋستتەر) بولىپ تابىلادى. ال جەرگٸلٸكتٸ اتقارۋشى ورگاندار مونۋمەنتتٸك ٶنەر قۇرىلىستارىن بيۋدجەت جەنە بيۋدجەتتەن تىس قاراجات ەسەبٸنەن جٷرگٸزەدٸ. ونداي قۇرىلىستار كٶرنەكتٸ تۇلعالاردىڭ مەرەيتويلىق جەنە اتاۋلى كٷندەرٸنە, ماڭىزدى تاريحي وقيعالارعا ورايلاستىرىلادى
"مونۋمەنتتٸك ٶنەر قۇرىلىستارى رەسپۋبليكالىق ونوماستيكا كوميسسيياسى بەكٸتكەن تاريحي تۇلعالار تٸزٸمٸندە كٶرنەكتٸ تٷلعانىڭ بولۋىن ەسكەرە وتىرىپ ورناتىلادى. قۇرىلىس مەملەكەت تەۋەلسٸزدٸگٸن نىعايتۋعا قوسقان, قاھارماندىق پەن ەرلٸك كٶرسەتكەن ەرەكشە جاعدايلاردى قوسپاعاندا, اسا كٶرنەكتٸ تۇلعالار قايتىس بولعان جەنە (نەمەسە) تاريحي وقيعالار بولعان كٷننەن باستاپ بەس جىلدان ەرتە قارالمايدى", - دەلٸنگەن بۇيرىق جوباسىندا.
ال سىبايلاس جەمقورلىق تەۋەكەلدەرٸن بولدىرماۋ ماقساتىندا جەرگٸلٸكتٸ اتقارۋشى ورگاندار مٷسٸنشٸلەر اراسىندا قۇرىلىستىڭ ٷزدٸك جۇمىس جوبالارىنا رەسپۋبليكالىق شىعارماشىلىق كونكۋرس جارييالاۋعا مٸندەتتٸ.
بۇدان بٶلەك, وسى قۇجات بويىنشا مەدەنيەت جەنە سپورت مينيسترٸنٸڭ 2021 جىلعى 29 جەلتوقسانداعى 406 بۇيرىعىنىڭ كٷشٸ جويىلادى. قۇجاتتىڭ جوباسى 21 مامىرعا دەيٸن قوعامدىق تالقىلاۋعا شىعارىلىپ وتىر.
