Qazaqstandyq mánerlep syrǵanaýshy, Olimpiada chempiony Mihail Shaidorov amerikalyq sportshy Ilia Malinindi Fair Play syilyǵyn alýymen quttyqtady. Bul marapat Malininge 2026 jylǵy Olimpiada oiyndaryndaǵy sporttyq áreketi úshin berildi, dep habarlaidy ult.kz.
Milanda ótken Olimpiadada erkin baǵdarlamada sátsiz óner kórsetken Malinin jarystan keiin chempion atanǵan Mihail Shaidorovty quttyqtap, ony qushaqtaǵan edi. Halyqaralyq Olimpiada komiteti amerikalyq sportshynyń bul áreketin joǵary baǵalap, oǵan adal básekelestik úshin beriletin Fair Play syilyǵyn tabystady.
Shaidorov áleýmettik jelidegi jazbasynda dosyna qoldaý bildirip, onyń jetistikterine qýanatynyn jetkizdi.
«Ilia Malinindi Fair Play syilyǵyn alýymen quttyqtaimyn! Dosym, seni maqtan tutamyn. Osy joldy senimen birge júrip kele jatqanyma sheksiz rizamyn. Men seni árdaiym qoldap, árbir jetistigińe birge qýanatyn bolamyn», – dep jazdy qazaqstandyq sportshy.
Aita keteiik, Ilia Malinin – mánerlep syrǵanaýdan álemniń úsh dúrkin chempiony. Ol 2022 jyly halyqaralyq jarysta tórt ainalymdyq aksel sekirisin oryndaǵan alǵashqy sportshy atandy. Al 2025 jylǵy Gran-pri finalynda erkin baǵdarlamada jeti tórt ainalymdyq sekiris jasap, 238,24 upai jinady. Bul – atalǵan baǵdarlama boiynsha álemdik rekord.
Sonymen qatar Malinin 2026 jylǵy Olimpiadada AQSh quramasy sapynda komandalyq jarysta altyn medal jeńip aldy.
Aita keteiik, Mihail Shaidorov álemdik reitingte ekinshi orynǵa kóterildi.
