قازاقستاندىق مەنەرلەپ سىرعاناۋشى, وليمپيادا چەمپيونى ميحايل شايدوروۆ امەريكالىق سپورتشى يليا مالينيندٸ Fair Play سىيلىعىن الۋىمەن قۇتتىقتادى. بۇل ماراپات مالينينگە 2026 جىلعى وليمپيادا ويىندارىنداعى سپورتتىق ەرەكەتٸ ٷشٸن بەرٸلدٸ, دەپ حابارلايدى ult.kz.
ميلاندا ٶتكەن وليمپيادادا ەركٸن باعدارلامادا سەتسٸز ٶنەر كٶرسەتكەن مالينين جارىستان كەيٸن چەمپيون اتانعان ميحايل شايدوروۆتى قۇتتىقتاپ, ونى قۇشاقتاعان ەدٸ. حالىقارالىق وليمپيادا كوميتەتٸ امەريكالىق سپورتشىنىڭ بۇل ەرەكەتٸن جوعارى باعالاپ, وعان ادال بەسەكەلەستٸك ٷشٸن بەرٸلەتٸن Fair Play سىيلىعىن تابىستادى.
شايدوروۆ ەلەۋمەتتٸك جەلٸدەگٸ جازباسىندا دوسىنا قولداۋ بٸلدٸرٸپ, ونىڭ جەتٸستٸكتەرٸنە قۋاناتىنىن جەتكٸزدٸ.
«يليا مالينيندٸ Fair Play سىيلىعىن الۋىمەن قۇتتىقتايمىن! دوسىم, سەنٸ ماقتان تۇتامىن. وسى جولدى سەنٸمەن بٸرگە جٷرٸپ كەلە جاتقانىما شەكسٸز ريزامىن. مەن سەنٸ ەردايىم قولداپ, ەربٸر جەتٸستٸگٸڭە بٸرگە قۋاناتىن بولامىن», – دەپ جازدى قازاقستاندىق سپورتشى.
ايتا كەتەيٸك, يليا مالينين – مەنەرلەپ سىرعاناۋدان ەلەمنٸڭ ٷش دٷركٸن چەمپيونى. ول 2022 جىلى حالىقارالىق جارىستا تٶرت اينالىمدىق اكسەل سەكٸرٸسٸن ورىنداعان العاشقى سپورتشى اتاندى. ال 2025 جىلعى گران-پري فينالىندا ەركٸن باعدارلامادا جەتٸ تٶرت اينالىمدىق سەكٸرٸس جاساپ, 238,24 ۇپاي جينادى. بۇل – اتالعان باعدارلاما بويىنشا ەلەمدٸك رەكورد.
سونىمەن قاتار مالينين 2026 جىلعى وليمپيادادا اقش قۇراماسى ساپىندا كوماندالىق جارىستا التىن مەدال جەڭٸپ الدى.
ايتا كەتەيٸك, ميحايل شايدوروۆ ەلەمدٸك رەيتينگتە ەكٸنشٸ ورىنعا كٶتەرٸلدٸ.
