Aldaǵy ýaqytta valiýta baǵamy tepe-teńdik sipatyna deiin tómendeitin bolady. Bul týraly Ulttyq ekonomika birinshi vitse-ministri Timýr Jaqsylyqov málim etti, dep habarlaidy QazAqparat.
«Ulttyq bank qajetti sharany qabyldady, ony kórip otyrsyzdar. Búgin tańerteń aqparat taratylyp, saýda-sattyq qalai júrgiziletini jariialandy. Meniń oiymsha, bastapqy kezeńde qandai da bir spekýliativti reaktsiia bolsa da, keiinnen baǵam tepe-teńdik sipatyna deiin tómendeitin bolady», - dedi Timýr Jaqsylyqov Májilisti tilshiler saýalyna jaýap bere otyryp
Budan buryn habarlanǵandai, Ulttyq bank «Qazaqstan qor birjasy» AQ-men birlesip teńge – AQSh dollary valiýta juby boiynsha saýda-sattyq reglamentin ózgertý týraly sheshim qabyldady. Atap aitqanda, 28 aqpanda saýda-sattyq Nur-Sultan qalasynyń ýaqyty boiynsha saǵat 15-00-de Frankfýrt aýktsiony formatynda ashylady.
«Bul sharalar ýaqytsha sipatqa ie, belgisizdiktiń joǵary dárejesin jáne syrtqy geosaiasi faktorlar tarapynan valiýta naryǵyna jáne el ishindegi qarjylyq turaqtylyqqa kórsetiletin qysymdy barynsha azaitý qajettiligin kórsetedi», - delingen habarlamada.
