QR Ulttyq ekonomika ministri Timýr Súleimenov Donald Trampty "popýlist", al onyń qazirgi prezidenttik qyzmetin "turlaýsyz" dep atady, - dep habarlaidy "Ult aqparat" Tengrinews.kz portalyna silteme jasap.
Almatyda ótip jatqan CFO Summit Kazakhstan sammitinde Timýr Súleimenovke mynandai suraq qoiyldy: "Donald Tramptyń AQSh prezidenti bolyp taǵaiyndalýy Qazaqstanǵa jaqsy ma álde jaman ba?" Ulttyq ekonomika ministri bolsa, bul suraqqa bylai dep jaýap berdi: "Árine, ol (Donald Tramp - avtor.) - popýlist. Men, ekonomist ári osy sailaýlardyń sarapshysy retinde munymen 100 paiyzǵa kelisemin. Munymen kelispeitin adam joq shyǵar. Onyń saiasaty protektsionizmge baǵyttalǵan. Amerikanyń ekonomikasy men saiasatynyń áserimen ol, árine, jańa bir shynaiylyqty qalyptastyrady. Biraq protektsionizm basqa bireýlermen qarym-qatynastaǵy ýaǵdalastyqtan bas tartýǵa alyp kelýi múmkin. Osylaisha, AQSh-tyń kóshi-qon saiasaty belgili bir trend shyǵarady. Sebebi, AQSh - trendsetter".
Sondai-aq, Súleimenov Tramptyń reformasyna kedergi keltiretin jaǵdailardyń bar ekenin aityp ótti.
"Onyń jumysyna baǵa berý qiyndaý. Turlaýsyzdyq - mine, bul sóz sol týraly. Sondyqtan menińshe, bul máselede abai bolý kerek. Sondai-aq, meni Qytaimen qarym-qatynasymyz mazalaidy. (...) Amerika men Qytai arasyndaǵy qarym-qatynas, árine, bizge de áser etetin bolady", - dedi Súleimenov.
