قر ۇلتتىق ەكونوميكا مينيسترٸ تيمۋر سٷلەيمەنوۆ دونالد ترامپتى "پوپۋليست", ال ونىڭ قازٸرگٸ پرەزيدەنتتٸك قىزمەتٸن "تۇرلاۋسىز" دەپ اتادى, - دەپ حابارلايدى "ۇلت اقپارات" Tengrinews.kz پورتالىنا سٸلتەمە جاساپ.
الماتىدا ٶتٸپ جاتقان CFO Summit Kazakhstan سامميتٸندە تيمۋر سٷلەيمەنوۆكە مىنانداي سۇراق قويىلدى: "دونالد ترامپتىڭ اقش پرەزيدەنتٸ بولىپ تاعايىندالۋى قازاقستانعا جاقسى ما ەلدە جامان با?" ۇلتتىق ەكونوميكا مينيسترٸ بولسا, بۇل سۇراققا بىلاي دەپ جاۋاپ بەردٸ: "ەرينە, ول (دونالد ترامپ - اۆتور.) - پوپۋليست. مەن, ەكونوميست ەرٸ وسى سايلاۋلاردىڭ ساراپشىسى رەتٸندە مۇنىمەن 100 پايىزعا كەلٸسەمٸن. مۇنىمەن كەلٸسپەيتٸن ادام جوق شىعار. ونىڭ ساياساتى پروتەكتسيونيزمگە باعىتتالعان. امەريكانىڭ ەكونوميكاسى مەن ساياساتىنىڭ ەسەرٸمەن ول, ەرينە, جاڭا بٸر شىنايىلىقتى قالىپتاستىرادى. بٸراق پروتەكتسيونيزم باسقا بٸرەۋلەرمەن قارىم-قاتىناستاعى ۋاعدالاستىقتان باس تارتۋعا الىپ كەلۋٸ مٷمكٸن. وسىلايشا, اقش-تىڭ كٶشٸ-قون ساياساتى بەلگٸلٸ بٸر ترەند شىعارادى. سەبەبٸ, اقش - ترەندسەتتەر".
سونداي-اق, سٷلەيمەنوۆ ترامپتىڭ رەفورماسىنا كەدەرگٸ كەلتٸرەتٸن جاعدايلاردىڭ بار ەكەنٸن ايتىپ ٶتتٸ.
"ونىڭ جۇمىسىنا باعا بەرۋ قيىنداۋ. تۇرلاۋسىزدىق - مٸنە, بۇل سٶز سول تۋرالى. سوندىقتان مەنٸڭشە, بۇل مەسەلەدە اباي بولۋ كەرەك. سونداي-اق, مەنٸ قىتايمەن قارىم-قاتىناسىمىز مازالايدى. (...) امەريكا مەن قىتاي اراسىنداعى قارىم-قاتىناس, ەرينە, بٸزگە دە ەسەر ەتەتٸن بولادى", - دەدٸ سٷلەيمەنوۆ.
