QR Prezident Ákimshiligi Basshysynyń orynbasary Timýr Súleimenov Qazaqstandaǵy memlekettik qyzmettiń ózekti máselesin atady, dep habarlaidy "Ult aqparat".
«Memlekettik qyzmettegi basty máselelerdiń biri – basqarýshylyq mádeniet, sondyqtan memlekettik qyzmetshiler jumysynyń jańa stilin qalyptastyrý talap etiledi jáne bul jerde basshylardyń ózderi úlken ról atqarady», - dedi Timýr Súleimenov QR Memlekettik qyzmet isteri agenttiginiń alqa otyrysynda.
Spiker búgingi alqa otyrysynda departament basshylary jáne orynbasarlar qatysyp otyrǵanyn atap ótti.
«Qyzmetkerlerdiń qalai jumys isteitini bizge – komandirlerge tikelei bailanysty. Qyzmetkerler bizdiń jumysymyzǵa qaraidy jáne úlgi alady, sondyqtan bul jerde óz jaýapkershiligimizdi uǵynýymyz kerek. Meniń oiymsha, munda assessment – 360 gradýs ádisimen baǵalaý quraly kómektesedi. Bul ádis Qazaqstanda engiziledi jáne alǵashqy jyldyń qorytyndysyna qarai tiisti tujyrymdar jasaimyz. Osylaisha, memlekettik organdardaǵy basqarýshylyq mádeniet birtindep ózgeredi», - dedi T. Súleimenov.
