Timýr Bekmambetovtiń «Bazelevs» kompaniiasy 2018 jylǵy 17 qazanda Kerchte bolǵan qaiǵyly oqiǵa týraly film túsirip jatyr. Bul týraly sársenbide kompaniianyń baspasóz qyzmetine silteme jasap TASS agenttigi habarlady.
Filmniń siýjetine kolledjdiń 18 jastaǵy stýdenti Vladislav Rosliakov uiymdastyrǵan qaiǵyly oqiǵa arqaý bolady. Eske sala keteiik, byltyr Kerchte kolledj stýdenti jasaǵan jarylys pen atys saldarynan qaza tapqandar sany 21 adamǵa jetken bolatyn.
«Film tek Rosliakovtiń ózi týraly ǵana emes, munda qaza tapqandar, oqytýshylar jáne oqýshylar týraly da áńgime bolady», - deidi túsirilim tobynyń ókilderi.
Film screenlife formatynda túsiriledi. Kartina rejisseri - Leonid Marantidi. Onyń qashan úlken ekranǵa shyǵatyny áli belgisiz.
