© Sputnik / Aleksei Nikolskii
Qazaqstannyń vitse-premeri, Syrtqy ister ministri Muhtar Tileýberdi Tuńǵysh Prezident Nursultan Nazarbaevtyń Reseige saparyna qatysty túsinikteme berdi, dep habarlaidy Sputnik Qazaqstan.
Tileýberdi Syrtqy ister ministrligi bul saparǵa daiyndyq jasamaǵanyn atap ótti.
"Aldaǵy sapar jaily syrtqy ister ministrligine eskertýdiń qajeti joq. Bul tikelei Tuńǵysh Prezidenttiń keńsesi men Resei prezidenti ákimshiligimen kelisiledi", - dedi ministr Úkimet kýlýarynda.
Onyń aitýynsha, ministrlik kezdesýde qandai máseleler talqylanǵanynan beihabar.
"Resei prezidentimen kezdesýge tyiym salynǵan joq qoi. Onyń ústine, ekeýi burynnan kele jatqan dostar", - dedi Tileýberdi.
13 maýsymda Qazaqstannyń Tuńǵysh Prezidenti Nursultan Nazarbaev Resei prezidenti Vladimir Pýtinmen kezdesti. Nazarbaev Pýtindi Resei kúnimen quttyqtady. Sondai-aq olar eki el arasynda qarym-qatynas ornaǵanyna 30 jyl tolýyna orai bir-birine jyly lebizderin jetkizdi.
