© Sputnik / الەكسەي نيكولسكيي
قازاقستاننىڭ ۆيتسە-پرەمەرٸ, سىرتقى ٸستەر مينيسترٸ مۇحتار تٸلەۋبەردٸ تۇڭعىش پرەزيدەنت نۇرسۇلتان نازارباەۆتىڭ رەسەيگە ساپارىنا قاتىستى تٷسٸنٸكتەمە بەردٸ, دەپ حابارلايدى Sputnik قازاقستان.
تٸلەۋبەردٸ سىرتقى ٸستەر مينيسترلٸگٸ بۇل ساپارعا دايىندىق جاساماعانىن اتاپ ٶتتٸ.
"الداعى ساپار جايلى سىرتقى ٸستەر مينيسترلٸگٸنە ەسكەرتۋدٸڭ قاجەتٸ جوق. بۇل تٸكەلەي تۇڭعىش پرەزيدەنتتٸڭ كەڭسەسٸ مەن رەسەي پرەزيدەنتٸ ەكٸمشٸلٸگٸمەن كەلٸسٸلەدٸ", - دەدٸ مينيستر ٷكٸمەت كۋلۋارىندا.
ونىڭ ايتۋىنشا, مينيسترلٸك كەزدەسۋدە قانداي مەسەلەلەر تالقىلانعانىنان بەيحابار.
"رەسەي پرەزيدەنتٸمەن كەزدەسۋگە تىيىم سالىنعان جوق قوي. ونىڭ ٷستٸنە, ەكەۋٸ بۇرىننان كەلە جاتقان دوستار", - دەدٸ تٸلەۋبەردٸ.
13 ماۋسىمدا قازاقستاننىڭ تۇڭعىش پرەزيدەنتٸ نۇرسۇلتان نازارباەۆ رەسەي پرەزيدەنتٸ ۆلاديمير پۋتينمەن كەزدەستٸ. نازارباەۆ پۋتيندٸ رەسەي كٷنٸمەن قۇتتىقتادى. سونداي-اق ولار ەكٸ ەل اراسىندا قارىم-قاتىناس ورناعانىنا 30 جىل تولۋىنا وراي بٸر-بٸرٸنە جىلى لەبٸزدەرٸن جەتكٸزدٸ.
