Nemis akteri Til Shvaiger Djeki Chanmen birge «Qudailar saýyt-saimany: Ýltimatým» («Dospehi Boga: Ýltimatým») atty shytyrman oqiǵaly boeviktiń túsirilimine qatysý úshin Qazaqstanǵa keldi, dep habarlaidy ult.kz.
Qazir akter Almatydaǵy túsirilim alańynda jumys istep jatyr. Alaida «Dostýchatsia do nebes» jáne «Besslavnye ýbliýdki» filmderimen tanymal Til Shvaigerdiń kartinada qandai róldi somdaityny ázirge jariialanǵan joq. Onyń filmografiiasynda 80-nen astam jumys bar.
«Qudailar saýyt-saimany: Ýltimatým» — Djeki Chan oinaityn tanymal filmder seriiasynyń tórtinshi bólimi. Akter onda qazyna izdeýshi, Aziattyq Qarshyǵa laqap atymen tanymal keiipkerdi qaita somdaidy. Ol bul joly ejelgi artefaktini izdeýge attanady.
Filmniń túsirilim jumystary Almaty men Astanada, Túrkistan, Almaty jáne Mańǵystaý oblystarynda ótip jatyr. Negizgi túsirilim oryndarynyń biri — Bozjyra shatqaly.
Qazaqstandaǵy túsirilim jumystary maýsym aiynda bastalǵan. Joba boiynsha jumys qazan aiyna deiin jalǵasady.
Filmdi qazaqstandyq Salem Entertainment jáne gonkongtik Billion Target kompaniialary birlesip túsirip jatyr. Kartinaǵa rejisserlik etetin — qazaqstandyq Robert Kýn.
Filmniń tusaýkeseri 2027 jyly ótedi dep josparlanyp otyr.
