Respýblika kúni qarsańynda «Kitap oqityn ult» jobasynyń ánurany men beinebaiany jaryq kórdi. Týyndy kitap oqý mádenietin dáriptep, bilimniń qoǵam damýyndaǵy mańyzyn nasihattaýǵa baǵyttalǵan, dep habarlaidy ult.kz.
Qazaq jáne orys tilderinde jazylǵan án mátininde urpaqtar sabaqtastyǵy, bilimge umtylý men el birligi keńinen kórinis tapqan. Kitap tyń ideialardyń qainar kózi ári urpaqtardy jalǵaityn rýhani qundylyq retinde sipattalady.
Ánniń sózi men mýzykasyn «Kitap oqityn ult» jobasynyń Astana qalasyndaǵy keńse jetekshisi Jaqsybai Boranbaev jazǵan. Beinebaian Astana qalasyndaǵy Mirjaqyp Dýlatuly atyndaǵy №68 mektep-gimnaziiasynyń muǵalimi Qambar Rahmetovpen birlesip ázirlendi. Án men beinebaiandy daiyndaý barysynda jasandy intellekt tehnologiialary qoldanyldy.
Ánuran men beinebaian tsifrlyq formatta kópshilikke usynyldy. Joba halyq arasynda kitap oqýdy keńinen nasihattap, kúndelikti kitap oqý daǵdysyn qalyptastyrýdy kózdeidi.
