رەسپۋبليكا كٷنٸ قارساڭىندا «كٸتاپ وقيتىن ۇلت» جوباسىنىڭ ەنۇرانى مەن بەينەبايانى جارىق كٶردٸ. تۋىندى كٸتاپ وقۋ مەدەنيەتٸن دەرٸپتەپ, بٸلٸمنٸڭ قوعام دامۋىنداعى ماڭىزىن ناسيحاتتاۋعا باعىتتالعان, دەپ حابارلايدى ult.kz.
قازاق جەنە ورىس تٸلدەرٸندە جازىلعان ەن مەتٸنٸندە ۇرپاقتار ساباقتاستىعى, بٸلٸمگە ۇمتىلۋ مەن ەل بٸرلٸگٸ كەڭٸنەن كٶرٸنٸس تاپقان. كٸتاپ تىڭ يدەيالاردىڭ قاينار كٶزٸ ەرٸ ۇرپاقتاردى جالعايتىن رۋحاني قۇندىلىق رەتٸندە سيپاتتالادى.
ەننٸڭ سٶزٸ مەن مۋزىكاسىن «كٸتاپ وقيتىن ۇلت» جوباسىنىڭ استانا قالاسىنداعى كەڭسە جەتەكشٸسٸ جاقسىباي بورانباەۆ جازعان. بەينەبايان استانا قالاسىنداعى مٸرجاقىپ دۋلاتۇلى اتىنداعى №68 مەكتەپ-گيمنازيياسىنىڭ مۇعالٸمٸ قامبار راحمەتوۆپەن بٸرلەسٸپ ەزٸرلەندٸ. ەن مەن بەينەباياندى دايىنداۋ بارىسىندا جاساندى ينتەللەكت تەحنولوگييالارى قولدانىلدى.
ەنۇران مەن بەينەبايان تسيفرلىق فورماتتا كٶپشٸلٸككە ۇسىنىلدى. جوبا حالىق اراسىندا كٸتاپ وقۋدى كەڭٸنەن ناسيحاتتاپ, كٷندەلٸكتٸ كٸتاپ وقۋ داعدىسىن قالىپتاستىرۋدى كٶزدەيدٸ.
