TikTok-ta tikelei efir kezinde beiádep sózder aitqan Taldyqorǵan qalasynyń turǵyny ákimshilik jaýapkershilikke tartyldy, dep habarlaidy ult.kz.
Polisia.kz málimetinshe, politsiianyń áleýmettik jelilerge júrgizgen kezekti monitoringi barysynda TikTok-taǵy tikelei efirde qoǵamdyq ádep normalaryn buzyp, balaǵat sózder aitqan azamatsha anyqtaldy. Onyń Taldyqorǵan qalasynyń 44 jastaǵy turǵyny ekeni belgili boldy.
Tekserý barysynda áieldiń buǵan deiin de dál osyndai quqyqbuzýshylyq úshin ákimshilik jaýapkershilikke tartylǵany anyqtalǵan. Soǵan qaramastan, ol zań talaptaryn qaita buzǵan.
Sot sheshimimen quqyq buzýshyǵa ákimshilik aiyppul salyndy.
Politsiia qoǵamdyq tártipti buzatyn áreketterdiń, onyń ishinde áleýmettik jelilerdegi zańǵa qaishy kontenttiń turaqty baqylaýda ekenin eske salyp, azamattardy internet keńistiginde de zań talaptaryn saqtaýǵa shaqyrdy.
