TikTok-tyń Qazaqstandaǵy týrizm týraly kontenti 20 mln qaralym jinaǵan. Bul týraly AstanaMediaWeek dástúrli halyqaralyq forýmynda Shyǵys Eýropadaǵy TikTok Global Business Solutions direktory jáne TikTok Kazakhstan kompaniiasynyń bolashaq basshysy Anastasiia Panina málim etti, dep habarlaidy QazAqparat.
«Qazaqstan Respýblikasynda mádeniet jáne bilim salasyndaǵy uiymdar bizdiń qoǵamdastyqtyń múshesi bolady dep shyn júrekten úmittenemiz. Biz osy qatysýshylarǵa belsendi túrde kómektesemiz, olardy úiretemiz, damytamyz», - degen ol TikTok-tyń Qazaqstandy qamtityn jobalaryna toqtaldy.
«Biz platformadaǵy mazmundy árkelki etý úshin kóp kúsh jumsaimyz. Memleket ókilderine osy qatynastardaǵy yntymaqtastyq pen seriktestik úshin óte rizamyz. Jaqynda oqý-aǵartý ministrliginiń qoldaýymen jobany iske qostyq. Bul naýqan 90 millionnan astam qaralym jinap, tanymdyq kontenttiń tanymal bolýyna túrtki boldy. Taǵy bir mysal – Kazakh Tourism-men birge jazda biz Travel Kazakhstan jobasyn iske qostyq. Onyń aiasynda internet paidalanýshylar Qazaqstandaǵy saiahatqa shyǵýǵa bolatyn súiikti oryndardy bólisýge múmkindik aldy. Bul joba óte tanymal boldy jáne 20 millionnan astam qaralym jinady. Sonymen qatar, jobaǵa qyzyǵýshylyq tek el ishinde ǵana emes, sonymen qatar Qazaqstannan tys jerlerde de baiqaldy. Bul Qazaqstandaǵy týrizmdi álemniń basqa bólikterinen kelgen adamdarǵa tartymdy etti», - dedi TikTok ókili.
